WECHAT - ນະໂຍບາຍຄຳຮ້ອງຂໍຂອງລັດຖະບານ

ອັບເດດຫຼ້າສຸດ - 2021-08-19

1. ບົດແນະນຳ

1.1 ຍິນດີຕ້ອນຮັບສູ່ WeChat! ພວກເຮົາມີເປົ້າໝາຍເພື່ອປະຕິບັດຕາມກົດໝາຍທີ່ມີຜົນນຳໃຊ້ຢູ່ສະເໝີ ແລະ ຮ່ວມມືກັບໜ່ວຍງານລັດຖະບານທີ່ກ່ຽວຂ້ອງ. ນະໂຍບາຍທີ່ລະບຸໄວ້ວິທີທີ່ພວກເຮົາຕອບກັບຄຳຮ້ອງຂໍຈາກໜ່ວຍງານລັດຖະບານ, ກະລຸນາຮັບຊາບວ່າພວກເຮົາອາດຈະຕອບກັບຄຳຮ້ອງຂໍດັ່ງກ່າວດ້ວຍວິທີອື່ນທີ່ຖືກຮຽກຮ້ອງຕາມກົດໝາຍທີ່ມີຜົນນຳໃຊ້.

1.2 ພວກເຮົາຮັບຫຼາຍຄຳຮ້ອງຂໍຈາກໜ່ວຍງານລັດຖະບານທີ່ກ່ຽວຂ້ອງກັບ WeChat. ໃນກໍລະນີທີ່ຄຳຮ້ອງຂໍດັ່ງກ່າວຖືກສ້າງ:

• a. ໂດຍໜ່ວຍງານບັງຄັບໃຊ້ກົດໝາຍທີ່ກ່ຽວຂ້ອງກັບການເປີດເຜີຍຂໍ້ມູນກ່ຽວກັບຜູ້ໃຊ້ໃນ WeChat ຂອງພວກເຮົາ ແລະ ອີງຕາມຂະບວນການທາງກົດໝາຍ (ຕົວຢ່າງ: ຄຳສັ່ງສານ, ໝາຍສານ, ການໄຕ່ສວນ, ການສືບສວນຂອງຕຳຫຼວດ), ພວກເຮົາຈະປະຕິບັດຕໍ່ກັບຄຳຮ້ອງຂໍດັ່ງກ່າວໂດຍອີງຕາມຄຳແນະນຳຄຳຮ້ອງຂໍຂໍ້ມູນການບັງຄັບໃຊ້ກົດໝາຍ ແລະ
• b. ໃນຮູບແບບໃດກໍຕາມ ແລະ ຕາມໜ່ວຍງານລັດຖະບານໃດກໍຕາມນອກເໜືອຈາກການອີງຕາມວັກ (ກ), ພວກເຮົາຈະປະຕິບັດຕໍ່ກັບຄຳຮ້ອງຂໍດັ່ງກ່າວໂດຍອີງຕາມນະໂຍບາຍນີ້ (ທຸກຄຳຮ້ອງຂໍດັ່ງກ່າວທັງໝົດພາຍໃຕ້ວັກ (ຂ) ເປັນ "ຄຳຮ້ອງຂໍ").

ຄຳຮ້ອງຂໍທີ່ຕົກຢູ່ພາຍໃຕ້ວັກ (ຂ) ແລະ ຖືກຄຸ້ມຄອງໂດຍນະໂຍບາຍນີ້ຮວມມີ:

• c. ຄຳຮ້ອງຂໍການລຶບອອກຈາກໜ່ວຍງານລັດຖະບານທີ່ກ່ຽວຂ້ອງກັບເນື້ອຫາລັກສະນະສົ່ງເສີມການເມືອງທີ່ບໍ່ປະຕິບັດຕາມກົດໝາຍ ຫຼື ຂໍ້ບັງຄັບທີ່ມີຜົນນຳໃຊ້ (ເບິ່ງພາກທີ 11 ຂອງ ນະໂຍບາຍການນຳໃຊ້ທີ່ເປັນທີ່ຍອມຮັບ ຂອງພວກເຮົາສຳລັບລາຍລະອຽດເພີ່ມຕື່ມ);
• d. ຄຳຮ້ອງຂໍຈາກໜ່ວຍງານໂທລະຄົມມະນາຄົມທີ່ກ່ຽວຂ້ອງກັບເນື້ອຫາທີ່ຖືກແຈກຢາຍຢູ່ WeChat ແລະ
• e. ຄຳຮ້ອງຂໍເພື່ອພົວພັນໃນການສົນທະນາກັບໜ່ວຍງານລັດຖະບານ.

ນະໂຍບາຍນີ້ມີຜົນນຳໃຊ້ກັບຄຳຮ້ອງຂໍຈາກໜ່ວຍງານລັດຖະບານ. ຖ້າທ່ານເປັນໜ່ວຍງານລັດຖະບານ, ພວກເຮົາແນະນຳໃຫ້ທ່ານປະຕິບັດຕາມນະໂຍບາຍນີ້ໃນການເຮັດຄຳຮ້ອງຂໍຂອງທ່ານ, ດັ່ງນັ້ນພວກເຮົາຈຶ່ງສາມາດຕອບກັບຄຳຮ້ອງຂໍຂອງທ່ານໂດຍໄວທີ່ສຸດຕາມທີ່ປະຕິບັດໄດ້ຢ່າງສົມເຫດສົມຜົນ ແລະ ອີງຕາມກົດໝາຍທີ່ມີຜົນນຳໃຊ້.

1.3 ພວກເຮົາອາດຈະແກ້ໄຂນະໂຍບາຍນີ້ໄດ້ຕະຫຼອດເວລາໂດຍບໍ່ມີການແຈ້ງເຕືອນ. ພວກເຮົາສະໜັບສະໜູນໃຫ້ທ່ານກວດເບິ່ງໜ້ານີ້ຄືນສຳລັບການອັບເດດເປັນປະຈຳ.

1.4 ໃນນະໂຍບາຍນີ້:

• a. "ພວກເຮົາ", "ເຮົາ", "ຂອງພວກເຮົາ" ຫຼື "WeChat International" ໝາຍເຖິງ WeChat International Pte. Ltd.
• b. "ຄຳຮ້ອງຂໍ" ໝາຍຄວາມວ່າຄຳຮ້ອງທີ່ອີງຕາມມາດຕາ 1.2 (ຂ) ເຊິ່ງນະໂຍບາຍນີ້ມີຜົນນຳໃຊ້ນຳ.
• c. "ໜ່ວຍງານທີ່ຮ້ອງຂໍ" ຫຼື "ທ່ານ" ໝາຍເຖິງໜ່ວຍງານລັດຖະບານເຮັດການຮ້ອງຂໍທີ່ກ່ຽວຂ້ອງ.

2. ຄວາມສຳພັນຂອງພວກເຮົາກັບ weixin ແລະ ພາກສ່ວນທີສາມອື່ນ

2.1 ພວກເຮົາຮັບຄຳຮ້ອງຂໍການເປີດເຜີຍຂໍ້ມູນທີ່ບໍ່ໄດ້ເປັນຂອງພວກເຮົາ ແລະ/ຫຼື ບໍ່ໄດ້ຖືກຖືຄອງໂດຍພວກເຮົາເປັນປະຈຳ. ເພື່ອຊີ້ແຈງ:

• a. ພວກເຮົາບໍ່ສາມາດຊ່ວຍເຫຼືອໃນຄຳຮ້ອງຂໍທີ່ກ່ຽວຂ້ອງກັບແພລດຟອມ ຫຼື ການບໍລິການທີ່ນອກເໜືອຈາກ WeChat (ລວມທັງຂໍ້ມູນທີ່ຖືກຖືຄອງໂດຍ ຫຼື ກ່ຽວຂ້ອງກັບແພລດປອມ ຫຼື ການບໍລິການອື່ນດັ່ງກ່າວ ແລະ ບໍ່ກ່ຽວຂ້ອງວ່າແພລດຟອມ ຫຼື ການບໍລິການເຫຼົ່ານັ້ນຖືກເຂົ້າເຖິງຜ່ານ WeChat ຫຼືບໍ່ກໍຕາມ). ມັນແມ່ນຄວາມຮັບຜິດຊອບຂອງໜ່ວຍງານທີ່ຮ້ອງຂໍເພື່ອສ້າງຄຳຮ້ອງຂໍທີ່ເໝາະສົມຕໍ່ກັບແພລດຟອມ ຫຼື ການບໍລິການດັ່ງກ່າວ (ແລະ ຜູ້ດຳເນີນງານພວກມັນ) ຕາມຄວາມຈຳເປັນ.
• b. Weixin ແມ່ນຖືກດຳເນີນງານໂດຍນິຕິບຸກຄົນຕາມກົດໝາຍທີ່ແຍກຕ່າງຫາກ ແລະ ດັ່ງນັ້ນ ພວກເຮົາບໍ່ສາມາດຊ່ວຍເຫຼືອການຮ້ອງຂໍທີ່ກ່ຽວຂ້ອງກັບ Weixin ແລະ/ຫຼື ບັນຊີຂອງມັນ. ກະລຸນາເບິ່ງທີ່https://weixin110.qq.com ສຳລັບລາຍລະອຽດເພີ່ມຕື່ມ.

3. ຫຼັກການທົ່ວໄປຂອງນະໂຍບາຍນີ້

ພວກເຮົານຳໃຊ້ນະໂຍບາຍນີ້ໂດຍອີງຕາມຫຼັກການຕໍ່ໄປນີ້. ລາຍລະອຽດເພີ່ມຕື່ມແມ່ນຖືກລະບຸໄວ້ໃນສ່ວນທີ່ເຫຼືອຂອງນະໂຍບາຍນີ້.

3.1 ພວກເຮົາປະຕິບັດຕາມຄຳຮ້ອງຂໍເມື່ອຖືກຮຽກຮ້ອງຕາມກົດໝາຍໃຫ້ປະຕິບັດແບບນັ້ນ. ພື້ນຖານສຳລັບຄຳຮ້ອງຂໍທີ່ພວກເຮົາປະຕິບັດຕາມອາດຈະອີງຕາມກົດໝາຍ ແລະ ຂໍ້ບັງຄັບສະເພາະ. ການດຳເນີນການດັ່ງກ່າວອາດຈະຮວມມີ:

• a. ການລຶບ, ປິດໃຊ້ງານ ຫຼື ການບລັອກຕາມພູມສາດບາງເນື້ອຫາໃນບາງເຂດອຳນາດສານ.
• b. ການສະແດງການແຈ້ງເຕືອນທີ່ລະບຸການດຳເນີນການສະເພາະທີ່ໄດ້ຖືກກະທຳໂດຍອີງຕາມຄຳຮ້ອງຂໍ.

3.2 ພວກເຮົາບໍ່ຮັກສາຂໍ້ມູນ ແລະ ເນື້ອຫາຜູ້ໃຊ້ທັງໝົດ ແລະ ຂໍ້ມູນ ແລະ ເນື້ອຫາດັ່ງກ່າວອາດຈະຖືກລຶບ, ເຮັດໃຫ້ບໍ່ເປັນສ່ວນຕົວ ແລະ/ຫຼື ແກ້ໄຂເປັນໄລຍະ. ຜູ້ໃຊ້ຂອງພວກເຮົາຍັງຄົງມີສິດປະຕິບັດກັບຂໍ້ມູນຂອງເຂົາເຈົ້າ ແລະ ພວກເຮົາຈະປະຕິບັດຕໍ່ກັບຂໍ້ມູນຂອງເຂົາເຈົ້າ, ໂດຍອີງຕາມຂໍ້ກຳນົດການບໍລິການ ແລະ ນະໂຍບາຍວ່າດ້ວຍຄວາມເປັນສ່ວນຕົວຂອງພວກເຮົາ. ນີ້ໝາຍຄວາມວ່າພວກເຮົາບໍ່ຮັກສາຂໍ້ມູນດັ່ງກ່າວທັງໝົດ ແລະ ພວກອາດຈະຖືກແກ້ໄຂ ຫຼື ຖືກລຶບເປັນໄລຍະ. ຂໍ້ມູນເພີ່ມຕື່ມກ່ຽວກັບວິທີການປະຕິບັດກັບຂໍ້ມູນຂອງພວກເຮົາແມ່ນຖືກລະບຸໄວ້ໃນ ຂໍ້ກຳນົດການບໍລິການ ແລະ ນະໂຍບາຍວ່າດ້ວຍຄວາມເປັນສ່ວນຕົວຂອງພວກເຮົາ.

3.3 ພວກເຮົາມີເປົ້າໝາຍນຳໃຊ້ນະໂຍບາຍນີ້ຢ່າງທົ່ວເຖິງ ແລະ ເທົ່າທຽມຕໍ່ກັບເຂດອຳນາດສານທັງໝົດທີ່ພວກເຮົາດຳເນີນງານ WeChat, ອີງຕາມກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ທັງໝົດ ແລະ ການແປຄວາມແຕກຕ່າງທີ່ອາດຈະເກີດຂຶ້ນລະຫວ່າງເຂດອຳນາດສານທີ່ແຕກຕ່າງກັນຂອງພວກເຮົາ. WeChat ສາມາດໃຊ້ໄດ້ໃນທົ່ວໂລກ ແລະ ເພາະແບບນັ້ນພວກເຮົາມີເປົ້າໝາຍນຳໃຊ້ຂໍ້ກຳນົດຂອງພວກເຮົາທັງໝົດ (ລວມທັງນະໂຍບາຍນີ້) ຢ່າງເທົ່າທຽມ ແລະ ທົ່ວເຖິງຕໍ່ກັບເຂດອຳນາດສານທັງໝົດ.

3.4 ໂດຍເພີ່ມຕື່ມຈາກພາກທີ 3.3, ພວກເຮົາອາດຈະບໍ່ອີງຕາມນະໂຍບາຍນີ້ເປັນບາງຄັ້ງຄາວຍ້ອນຫຼາຍເຫດຜົນຕ່າງໆ, ລວມທັງ ຕົວຢ່າງ: ເນື່ອງຈາກກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ ຫຼື ອີງຕາມຄຳແນະນຳຂອງຜູ້ຊ່ຽວຊານທີ່ພວກເຮົາໄດ້ຮັບໃນເລື່ອງດັ່ງກ່າວ.

3.5 ພວກເຮົາມີເປົ້າໝາຍໃຫ້ຄວາມໂປ່ງໃສກັບຜູ້ໃຊ້ຂອງພວກເຮົາຕໍ່ກັບການດຳເນີນການທີ່ພວກເຮົາໄດ້ກະທຳໄປ. ກ່ອນ ແລະ/ຫຼື ຫຼັງຈາກທີ່ພວກເຮົາປະຕິບັດຕາມຄຳຮ້ອງຂໍ (ຂຶ້ນກັບຄຳຮ້ອງຂໍ ແລະ ກົດໝາຍ ແລະ ຂໍ້ບັງຄັບທີ່ມີຜົນນຳໃຊ້), ພວກເຮົາຂໍສະຫງວນສິດການແຈ້ງເຕືອນຜູ້ໃຊ້ຂອງພວກເຮົາເລື່ອງຄຳຮ້ອງຂໍດັ່ງກ່າວ (ລວມທັງການດຳເນີນການທີ່ຖືກຮ້ອງຂໍໂດຍຄຳຮ້ອງຂໍດັ່ງກ່າວ). ນີ້ເພື່ອຮັບປະກັນວ່າຜູ້ໃຊ້ຂອງພວກເຮົາມີສິດຕອບກັບຄຳຮ້ອງຂໍ. ນອກຈາກນັ້ນ, ໃນກໍລະນີທີ່ຄຳຮ້ອງຂໍກ່ຽວຂ້ອງກັບການດຳເນີນການທີ່ອາດຈະສົ່ງຜົນກະທົບກັບຜູ້ໃຊ້ອື່ນ, ພວກເຮົາອາດຈະແຈ້ງຜູ້ໃຊ້ອື່ນເລື່ອງຄຳຮ້ອງຂໍທີ່ກ່ຽວຂ້ອງທີ່ພວກເຮົາໄດ້ປະຕິບັດຕາມນຳ.

ຕົວຢ່າງ: ຖ້າພວກເຮົາໄດ້ປະຕິບັດຕາມຄຳຮ້ອງຂໍການລຶບເນື້ອຫາ, ພວກເຮົາອາດຈະໂພສການແຈ້ງເຕືອນແທນທີ່ເນື້ອຫາທີ່ຖືກລຶບອອກ, ໂດຍແຈ້ງຕໍ່ຜູ້ໃຊ້ຂອງພວກເຮົາເຖິງເຫດຜົນທີ່ເນື້ອຫາດັ່ງກ່າວຖືກລຶບອອກ.

3.6 ພວກເຮົາຈະບໍ່ປະຕິບັດຕາມຄຳຮ້ອງຂໍທັງໝົດໂດຍອັດຕະໂນມັດ. ພວກເຮົາຈະກວດເບິ່ງຄຳຮ້ອງຂໍທັງໝົດຢ່າງລະອຽດເພື່ອຮັບປະກັນວ່າພວກເຮົາປະຕິບັດຕາມກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ທັງໝົດໃນການຕອບຮັບຂອງພວກເຮົາ, ພ້ອມທັງເຄົາລົບສິດຂອງຜູ້ໃຊ້ຂອງພວກເຮົາ. ອາດຈະຮວມການຮັບຄຳແນະນຳຈາກຜູ້ຊ່ຽວຊານພາກສ່ວນທີສາມ ແລະ ພາຍໃນທີ່ເໝາະສົມ.

4. ວິທີທີ່ພວກເຮົານຳໃຊ້ນະໂຍບາຍນີ້

ຕາມຂ້າງເທິງ, ພວກເຮົາມີເປົ້າໝາຍນຳໃຊ້ນະໂຍບາຍນີ້ຢ່າງເທົ່າທຽມ ແລະ ທົ່ວເຖິງທົ່ວໂລກ. ພວກເຮົາລະບຸຂໍ້ມູນຕໍ່ໄປນີ້ທີ່ກ່ຽວຂ້ອງກັບວິທີທີ່ພວກເຮົານຳໃຊ້ນະໂຍບາຍນີ້:

• a. ພວກເຮົາອາດຈະບໍ່ສາມາດລຶບຂໍ້ມູນ ແລະ/ຫຼື ເນື້ອຫາໃນບາງເຂດອຳນາດສານເນື່ອງຈາກຄວາມຕ້ອງການທາງກົດໝາຍໃນເຂດອຳນາດສານເຫຼົ່ານັ້ນ (ຫຼື ຂໍ້ຂັດແຍ່ງກັບຄວາມຕ້ອງການທາງກົດໝາຍລະຫວ່າງເຂດອຳນາດສານທີ່ແຕກຕ່າງກັນ). ຕາມການຮຽກຮ້ອງ ແລະ ຄວາມເປັນໄປໄດ້, ພວກເຮົາອາດນຳໃຊ້ເຕັກໂນໂລຢີການບລັອກຕາມພູມສາດເພື່ອຮັບປະກັນວ່າພວກເຮົາປະຕິບັດຕາມຄວາມຕ້ອງການທາງກົດໝາຍທີ່ກ່ຽວຂ້ອງກັບການລຶບຂໍ້ມູນໃນບາງເຂດອຳນາດສານໃດໜຶ່ງ (ແຕ່ບໍ່ແມ່ນສ່ວນອື່ນ).
• b. ພວກເຮົາຈະກວດເບິ່ງຄຳຮ້ອງຂໍທັງໝົດຢ່າງລະອຽດເພື່ອໃຫ້ແນ່ໃຈວ່າພວກມັນປະຕິບັດຕາມກົດໝາຍ. ຕາມທີ່ກ່ຽວຂ້ອງ ແລະ ຈຳເປັນ, ພວກເຮົາອາດຈະຕ້ອງໃຫ້ມີການສະໜອງເອກະສານສະໜັບສະໜູນ ແລະ/ຫຼື ທາງກົດໝາຍທີ່ເໝາະສົມຈາກໜ່ວຍງານທີ່ຮ້ອງຂໍກ່ອນທີ່ພວກເຮົາປະຕິບັດຕາມຄຳຮ້ອງຂໍດັ່ງກ່າວ.
• c. ບໍ່ມີຂໍ້ໃດໃນນະໂຍບາຍນີ້ສະຫຼະ ຫຼື ຈຳກັດສິດຂອງພວກເຮົາພາຍໃຕ້ກົດໝາຍ ແລະ ຂໍ້ບັງຄັບທີ່ມີຜົນນຳໃຊ້. ໂດຍອີງຕາມຄວາມເໝາະສົມ, ພວກເຮົາອາດຈະສອບຖາມຄຳຮ້ອງຂໍ - ລວມທັງການຮ້ອງຂໍການກວດສອບອຳນາດສານ/ລັດຖະບານ ແລະ ຄຳແນະນຳທາງກົດໝາຍພາກສ່ວນທີສາມທີ່ກ່ຽວຂ້ອງກັບຄຳຮ້ອງຂໍ.

5. ພາບລວມຂອງວິທີທີ່ພວກເຮົາປະຕິບັດກັບຄຳຮ້ອງຂໍ

5.1 ເມື່ອພວກເຮົາໄດ້ຮັບຄຳຮ້ອງຂໍ, ໂດຍທົ່ວໄປພວກເຮົາຈະປະຕິບັດກັບຄຳຮ້ອງຂໍດັ່ງກ່າວໂດຍອີງຕາມສິ່ງຕໍ່ໄປນີ້ (ແລະ ອີງຕາມກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ສະເໝີ):

• a. ກວດເບິ່ງຄຳຮ້ອງຂໍເພື່ອຮັບປະກັນວ່າມັນກົງກັບຄວາມຕ້ອງການຂອງພວກເຮົາ ແລະ ກົດໝາຍທີ່ກ່ຽວຂ້ອງທັງໝົດ.
• b. ບໍ່ວ່າມັນຈຳເປັນ ແລະ/ຫຼື ເໝາະສົມທີ່ຈະແຈ້ງຜູ້ໃຊ້ທີ່ໄດ້ຮັບຜົນກະທົບກໍຕາມ.
• c. ການຕອບກັບໜ່ວຍງານທີ່ຮ້ອງຂໍທີ່ກ່ຽວຂ້ອງກັບຜົນຮັບຂອງຄຳຮ້ອງຂໍ.

6. ພວກເຮົາຕອບກັບຄຳຮ້ອງຂໍປະເພດໃດແດ່?

6.1 ຂໍ້ກຳນົດທົ່ວໄປ

ຖ້າທ່ານກຳລັງເຮັດຄຳຮ້ອງຂໍ, ກະລຸນາຮັບປະກັນວ່າຄຳຮ້ອງຂໍຂອງທ່ານ

• a. ແມ່ນຖືກພິມ ແລະ ຢູ່ໃນຮູບແບບໄຟລ໌ PDF;
• b. ຖືກສົ່ງໂດຍມີຊື່ຈົດໝາຍເປັນຂອງໜ່ວຍງານທີ່ຮ້ອງຂໍ ແລະ ລົງລາຍເຊັນໂດຍຕົວແທນຂອງໜ່ວຍງານທີ່ຮ້ອງຂໍທີ່ໄດ້ຮັບອະນຸຍາດ ແລະ ເໝາະສົມ - ເບິ່ງພາກທີ 6.2;
• c. ໃສ່ຂໍ້ມູນທັງໝົດຕາມທີ່ລະບຸໄວ້ໃນພາກທີ 6.3;
• d. ຖືກສົ່ງໃຫ້ພວກເຮົາໂດຍອີງຕາມພາກທີ 9;
• e. ຖືກຮ່າງ ຫຼື ແປເປັນພາສາອັງກິດ ແລະ
• f. ປະຕິບັດຕາມກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ ພວກເຮົາຫວັງວ່າໜ່ວຍງານທີ່ຮ້ອງຂໍທັງໝົດໄດ້ຮັບຄຳແນະນຳທາງກົດໝາຍແລ້ວວ່າຄຳຮ້ອງຂໍກົງກັບຂໍ້ກຳນົດນີ້.

ພວກເຮົາອາດຈະບໍ່ຕອບກັບຄຳຮ້ອງຂໍທີ່ບໍ່ກົງກັບຂໍ້ກຳນົດດ້ານເທິງ.

6.2 ໃຜສາມາດສົ່ງຄຳຮ້ອງຂໍ?

ໜ່ວຍງານທີ່ຮ້ອງຂໍທີ່ເໝາະສົມອາດຈະແຕກຕ່າງກັນໃນເຂດອຳນາດສານທີ່ແຕກຕ່າງກັນ. ໂດຍອີງຕາມເຂດອຳນາດສານ, ຄຳຮ້ອງຂໍທີ່ຖືກຕ້ອງຕາມກົດໝາຍອາດຈະຖືກສົ່ງໂດຍໜ່ວຍງານລັດຖະບານ ຫຼື ຈາກໜ່ວຍງານອື່ນ (ຕົວຢ່າງ: ຄະນະກຳມະການການເລືອກຕັ້ງ, ໜ່ວຍງານໂທລະຄົມມະນາຄົມ, ໜ່ວຍງານປົກປ້ອງຜູ້ບໍລິໂພກ ແລະ ອື່ນໆ).

ອຳນາດຂອງໜ່ວຍງານເຫຼົ່ານີ້ອາດຈະແຕກຕ່າງກັນຂຶ້ນກັບເຂດອຳນາດສານໃນພື້ນທີ່ດັ່ງກ່າວ. ຕາມທີ່ລະບຸດ້ານເທິງ, ພວກເຮົາຈະກວດເບິ່ງຄຳຮ້ອງຂໍທັງໝົດໂດຍອີງຕາມກົດໝາຍ ແລະ ຂໍ້ບັງຄັບທີ່ມີຜົນນຳໃຊ້.

6.3 ຮູບແບບຄຳຮ້ອງຂໍ

ພວກເຮົາຈະຕອບກັບຄຳຮ້ອງຂໍທີ່ມີຂໍ້ມູນຕໍ່ໄປນີ້ ແລະ ຂໍ້ມູນອື່ນຕາມການຮຽກຮ້ອງຂອງກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ເທົ່ານັ້ນ:

• a. ຕົວຕົນຂອງໜ່ວຍງານທີ່ຮ້ອງຂໍ;
• b. ຕົວຕົນຂອງພະນັກງານ ແລະ/ຫຼື ຕົວແທນສະເພາະຂອງໜ່ວຍງານທີ່ຮ້ອງຂໍທີ່ຮັບຜິດຊອບຕໍ່ກັບຄຳຮ້ອງຂໍ ("ຜູ້ຕິດຕໍ່ຄຳຮ້ອງຂໍ"), ລວມທັງລະດັບຊັ້ນ, ກາ/ໝາຍເລກລະບຸຕົວຕົນ ແລະ ເອກະສານລະບຸຕົວຕົນຂອງເຂົາເຈົ້າ;
• c. ເອກະສານການອະນຸຍາດທີ່ກ່ຽວຂ້ອງຂອງພະນັກງານ ແລະ/ຫຼື ຕົວແທນສະເພາະຂອງໜ່ວຍງານທີ່ຮ້ອງຂໍ, ຖ້າສາມາດນຳໃຊ້ໄດ້;
• d. ລາຍລະອຽດການຕິດຕໍ່ສຳລັບຜູ້ຕິດຕໍ່ຄຳຮ້ອງຂໍ, ລວມທັງເບີໂທລະສັບ, ທີ່ຢູ່ອີເມວ (ເຊິ່ງຕ້ອງມາຈາກທີ່ຢູ່ໂດເມນອີເມວຂອງໜ່ວຍງານທີ່ຮ້ອງຂໍ) ແລະ ທີ່ຢູ່ໄປສະນີ;
• e. ວັນທີທີ່ສົມເຫດສົມຜົນທີ່ WeChat ຄວນຕອບກັບຄຳຮ້ອງຂໍຂອງ;
• f. ຜູ້ໃຊ້ WeChat ທີ່ກ່ຽວຂ້ອງກັບຄຳຮ້ອງຂໍດັ່ງກ່າວ, ລວມທັງຂໍ້ມູນທີ່ຮັບຮູ້ແລ້ວທັງໝົດທີ່ກ່ຽວຂ້ອງກັບຜູ້ໃຊ້ທີ່ກ່ຽວຂ້ອງ - ລວມທັງການລະບຸຕົວຕົນຂອງຜູ້ໃຊ້ / WeChat ID / ລາຍລະອຽດບັນຊີ / ທີ່ຢູ່ອີເມວ. ສິ່ງນີ້ຈະຊ່ວຍພວກເຮົາລະບຸຂໍ້ມູນເປົ້າໝາຍ;
• g. ການດຳເນີນການສະເພາະທີ່ຖືກຮ້ອງຂໍຈາກ ແລະ ວິທີທີ່ມັນກ່ຽວຂ້ອງກັບສິ່ງທີ່ຢູ່ພາຍໃນຄຳຮ້ອງຂໍ ແລະ
• h. ພື້ນຖານຂອງຄຳຮ້ອງຂໍ, ລວມທັງຂໍ້ບັນຍັດຂອງກົດໝາຍທີ່ອ້າງອີງສຳລັບຄຳຮ້ອງຂໍ ແລະ ຂໍ້ມູນຂອງຂະບວນການການສືບສວນ, ຂະບວນການ ແລະ/ຫຼື ຂັ້ນຕອນທີ່ມີຜົນນຳໃຊ້ ແລະ/ຫຼື ຈຳເປັນ ທີ່ຖືກດຳເນີນການໂດຍໜ່ວຍງານທີ່ກ່ຽວຂ້ອງ.

ກະລຸນາຮັບຊາບວ່າ ພວກເຮົາບໍ່ສາມາດຕອບກັບຄຳຮ້ອງຂໍທີ່ບໍ່ຊັດເຈນ ຫຼື ບໍ່ສົມບູນ.

7. ການແຈ້ງເຕືອນຜູ້ໃຊ້ຂອງພວກເຮົາ

ພວກເຮົາເຄົາລົບສິດ ແລະ ຄວາມເປັນສ່ວນຕົວຂອງຜູ້ໃຊ້ຂອງພວກເຮົາ. ຕາມທີ່ລະບຸໄວ້ໃນພາກທີ 3.5 ຂ້າງເທິງ, ພວກເຮົາອາດຈະແຈ້ງຜູ້ໃຊ້ທີ່ກ່ຽວຂ້ອງກ່ຽວກັບຄຳຮ້ອງຂໍກ່ອນການດຳເນີນການຕາມພວກມັນ, ເວັ້ນເສຍແຕ່ວ່າພວກເຮົາຖືກຫ້າມຈາກການກະທຳດັ່ງກ່າວພາຍໃຕ້ກົດໝາຍ ຫຼື ຂໍ້ບັງຄັບທີ່ມີຜົນນຳໃຊ້, ໂດຍຂໍ້ກຳນົດຂອງຂະບວນການທາງກົດໝາຍ (ເຊັ່ນ: ຄຳສັ່ງທີ່ປິດລັບ), ຫຼື ທີ່ພວກເຮົາເຊື່ອຢ່າງສົມເຫດສົມຜົນວ່າການດຳເນີນການດັ່ງກ່າວອາດຈະສ້າງຄວາມອັນຕະລາຍ ຫຼື ຄວາມສ່ຽງທີ່ຮຸນແຮງຕໍ່ກັບພວກເຮົາ ຫຼື ພາກສ່ວນທີສາມ. ການແຈ້ງເຕືອນອາດຈະອະນຸຍາດໃຫ້ຜູ້ໃຊ້ຊອກຫາການປົກປ້ອງທີ່ເໝາະສົມ.

ໜ່ວຍງານທີ່ຮ້ອງຂໍທີ່ເຊື່ອວ່າການແຈ້ງເຕືອນດັ່ງກ່າວຈະເຮັດໃຫ້ເກີດຄວາມເສຍຫາຍຕໍ່ກັບການສືບສວນທາງກົດໝາຍທີ່ດຳເນີນຢູ່ຄວນໄດ້ຮັບຄຳສັ່ງສານ ຫຼື ຂະບວນການທາງກົດໝາຍທີ່ເໝາະສົມທີ່ຫ້າມການແຈ້ງເຕືອນຜູ້ໃຊ້ຂອງພວກເຮົາໂດຍສະເພາະ. ມັນແມ່ນຄວາມຮັບຜິດຊອບຂອງໜ່ວຍງານທີ່ຮ້ອງຂໍທີ່ຈະຮ້ອງຂໍບໍ່ໃຫ້ພວກເຮົາແຈ້ງເຕືອນຜູ້ໃຊ້ເລື່ອງຄຳຮ້ອງຂໍ ເນື່ອງຈາກວ່າມັນຈະເຮັດໃຫ້ເກີດຄວາມເສຍະຫາຍຕໍ່ກັບການສືບສວນທາງກົດໝາຍທີ່ດຳເນີນຢູ່.

ຖ້າຄຳຮ້ອງຂໍຂອງທ່ານແມ່ນກ່ຽວຂ້ອງກັບການລະເມີດກ່ອນໜ້າ ຫຼື ກຳລັງດຳເນີນຢູ່ຂອງ ຂໍ້ກຳນົດການບໍລິການຂອງພວກເຮົາ, ພວກເຮົາຈະດຳເນີນການເພື່ອປ້ອງກັນການກະທຳຜິດເພີ່ມຕື່ມ, ລວມທັງການດຳເນີນການທີ່ອາດຈະແຈ້ງຜູ້ໃຊ້ວ່າພວກເຮົາຮັບຮູ້ການກະທຳຜິດດັ່ງກ່າວຂອງເຂົາເຈົ້າ. ຖ້າທ່ານເຊື່ອຢ່າງຈິງໃຈວ່າການດຳເນີນການດັ່ງກ່າວຈະເຮັດໃຫ້ເກີດຄວາມເສຍຫາຍຕໍ່ກັບການສືບສວນທີ່ດຳເນີນຢູ່, ມັນແມ່ນຄວາມຮັບຜິດຊອບຂອງທ່ານທີ່ຈະຮ້ອງຂໍໃຫ້ພວກເຮົາເລື່ອນການກະທຳດັ່ງກ່າວ, ລວມທັງການໃຫ້ຄຳສັ່ງສານ ຫຼື ຂະບວນການທາງກົດໝາຍທີ່ເໝາະສົມທີ່ຫ້າມການແຈ້ງເຕືອນດັ່ງກ່າວແກ່ພວກເຮົາ.

ພວກເຮົາຂໍສະຫງວນສິດທີ່ຈະຕໍ່ຕ້ານກັບຄຳຮ້ອງ ຫຼື ຄຳສັ່ງທີ່ບໍ່ເປີດເຜີຍ, ໂດຍອີງຕາມກົດໝາຍ ແລະ ຂໍ້ບັງຄັບທີ່ມີຜົນນຳໃຊ້.

8. ການທົດແທນຄືນຄ່າໃຊ້ຈ່າຍ

ຕາມຂອບເຂດທີ່ອະນຸຍາດໂດຍກົດໝາຍ ແລະ ຂໍ້ບັງຄັບທີ່ມີຜົນນຳໃຊ້, ພວກເຮົາອາດຈະຮ້ອງຂໍການທົດແທນຄືນຄ່າໃຊ້ຈ່າຍຈາກທ່ານຕໍ່ກັບການຕອບກັບຄຳຮ້ອງຂໍຂອງພວກເຮົາ.

9. ຄຳຮ້ອງຂໍຄວນຖືກສົ່ງໄປໃສ?

ຄຳຮ້ອງຂໍທັງໝົດຄວນຖືກສົ່ງໄປທີ່ອີເມວ policy@wechat.com ພ້ອມກັບຫົວເລື່ອງ "ຄຳຮ້ອງຂໍລັດຖະບານ (ໃສ່ຂໍ້ມູນເຂດອຳນາດສານ)".

ກະລຸນາຮັບຊາບວ່າ:

• a. ພວກເຮົາອາດຈະບໍ່ ຫຼື ອາດຈະໃຊ້ເວລາດົນກວ່າ, ເພື່ອຕອບກັບຄຳຮ້ອງຂໍທີ່ບໍ່ຖືກສົ່ງໄປທີ່ລາຍລະອຽດການຕິດຕໍ່ດ້ານເທິງ;
• b. ພວກເຮົາຈະບໍ່ກວດເບິ່ງເລື່ອງທີ່ຖືກສົ່ງມາທີ່ຂໍ້ມູນການຕິດຕໍ່ດ້ານເທິງໂດຍໃຜກໍຕາມນອກເໜືອຈາກໜ່ວຍງານລັດຖະບານ ແລະ
• c. ຖ້າພວກເຮົາຮັບຂະບວນການທາງກົດໝາຍຜ່ານຂໍ້ມູນການຕິດຕໍ່ດ້ານເທິງ, ການຮັບດັ່ງກ່າວແມ່ນເພື່ອຄວາມສະດວກເທົ່ານັ້ນ ແລະ ບໍ່ໄດ້ສະຫຼະສິດ ຫຼື ການຄັດຄ້ານຂອງພວກເຮົາ, ລວມທັງສຳລັບການບໍ່ມີການບໍລິການ ຫຼື ເຂດອຳນາດສານທີ່ເໝາະສົມ.