WECHAT - ນະໂຍບາຍການນຳໃຊ້ທີ່ເປັນທີ່ຍອມຮັບ

ອັບເດດຫຼ້າສຸດ: 2023-08-01

ຍິນດີຕ້ອນຮັບສູ່ WeChat!

ນະໂຍບາຍການນຳໃຊ້ທີ່ເປັນທີ່ຍອມຮັບລະບຸກົດລະບຽບເພື່ອຮັບປະກັນການປະພຶດທີ່ດີສຳລັບການນຳໃຊ້ WeChat.

ນະໂຍບາຍນີ້ (ເຊິ່ງເປັນສ່ວນໜຶ່ງຂອງ ຂໍ້ກຳນົດການບໍລິການ WeChat) ມີຜົນນຳໃຊ້ຕໍ່ກັບທຸກຄົນທີ່ນຳໃຊ້ WeChat. ໂດຍການນຳໃຊ້ WeChat, ທ່ານຍອມຮັບນະໂຍບາຍນີ້. ຖ້າທ່ານບໍ່ຍອມຮັບນະໂຍບາຍນີ້, ກະລຸນາບໍ່ນຳໃຊ້ WeChat.

ນະໂຍບາຍນີ້ອາດຈະຖືກອັບເດດໂດຍພວກເຮົາເປັນບາງຄັ້ງຄາວຕາມການຕັດສິນໃຈຂອງພວກເຮົາເອງ, ໂດຍອີງຕາມ ຂໍ້ກຳນົດການບໍລິການ.

ຂໍ້ກຳນົດທີ່ຖືກນິຍາມໄວ້ໃນນະໂຍບາຍນີ້ຈະມີຄວາມໝາຍໃຫ້ໄວ້ໃນນະໂຍບາຍນີ້ ຫຼື ຖ້າບໍ່ຖືກນິຍາມໄວ້ໃນນະໂຍບາຍນີ້, ຄວາມໝາຍຈະຖືກໃຫ້ໄວ້ໃນ ຂໍ້ກຳນົດການບໍລິການ WeChat.

ຖ້າທ່ານມີຄຳຖາມເພີ່ມຕື່ມກ່ຽວກັບນະໂຍບາຍນີ້, ກະລຸນາຕິດຕໍ່ຫາພວກເຮົາໂດຍນຳໃຊ້ລາຍລະອຽດທີ່ຢູ່ສ່ວນທ້າຍຂອງນະໂຍບາຍນີ້.

1. ທົ່ວໄປ

1.1. ບົດແນະນຳ

ເປົ້າໝາຍຂອງພວກເຮົາສຳລັບ WeChat ແມ່ນເພື່ອມັນຈະສ້າງຜົນກະທົບທາງບວກຕໍ່ກັບຊີວິດຜູ້ໃຊ້ຂອງພວກເຮົາ ແລະ ມັນຈະເປັນແພລດຟອມທີ່ສ້າງປະໂຫຍດໃຫ້ແກ່ຜູ້ທີ່ໃຊ້ມັນ.

ພວກເຮົາຊອກຫາວິທີປັບປຸງ ແລະ ສ້າງນະວັດຕະກຳໃຫ້ WeChat ຢ່າງຕໍ່ເນື່ອງ. ສ່ວນໜຶ່ງຂອງການສຳເລັດເປົ້າໝາຍນີ້ແມ່ນຮັບປະກັນວ່າຜູ້ໃຊ້ສາມາດສືບຕໍ່ນຳໃຊ້ WeChat ຢ່າງປອດໄພ ແລະ WeChat ແມ່ນຖືກນຳໃຊ້ດ້ວຍແນວທາງທີ່ເປັນທີ່ຍອມຮັບຈາກຜູ້ໃຊ້ທັງໝົດ. ນະໂຍບາຍນີ້ລະບຸກົດລະບຽບເພື່ອຮັບປະກັນການປະພຶດທີ່ດີໃນການນຳໃຊ້ WeChat ຈາກຜູ້ໃຊ້. ນອກນັ້ນທ່ານຍັງສາມາດອ້າງເ ຖິງຄູ່ມືຊຸມຊົນ WeChat ເຊິ່ງອະທິບາຍເພີ່ມເຕີມກ່ຽວກັບປະເພດຂອງເນື້ອຫາແລະພຶດຕິກໍາທີ່ຫຼືບໍ່ໄດ້ຮັບອະນຸຍາດໃນ WeChat.

ພວກເຮົາຖືກແນະນຳຈາກຄຳຕິຊົມຢ່າງຕໍ່ເນື່ອງຈາກຜູ້ໃຊ້ ແລະ ຜູ້ຊ່ຽວຊານດ້ານອຸດສາຫະກຳໃນການພັດທະນານະໂຍບາຍນີ້ ແລະ ພວກເຮົາມຸ່ງໝັ້ນເພື່ອຮັບປະກັນວ່ານະໂຍບາຍນີ້ມີຄວາມສະເໝີພາບລະຫວ່າງແນວຄິດ, ມຸມມອງ ແລະ ຂໍ້ມູນທີ່ຫຼາກຫຼາຍ. ພວກເຮົາເປີດຮັບຄຳຕິຊົມຈາກຜູ້ໃຊ້ຂອງພວກເຮົາຢູ່ສະເໝີ - ຖ້າທ່ານຕ້ອງການຈະໃຫ້ຄຳຕິຊົມ, ກະລຸນາຕິດຕໍ່ຫາພວກເຮົາໂດຍນຳໃຊ້ລາຍລະອຽດທີ່ຢູ່ສ່ວນທ້າຍຂອງນະໂຍບາຍນີ້.

1.2. ການບັງຄັບໃຊ້ ແລະ ການລະເມີດ (ຫຼື ການລະເມີດທີ່ອາດເກີດຂຶ້ນ) ນະໂຍບາຍນີ້

ຖ້າທ່ານໄດ້ (ຫຼື ພວກເຮົາເຊື່ອໂດຍມີເຫດຜົນຮອງຮັບວ່າທ່ານໄດ້) ລະເມີດນະໂຍບາຍນີ້, ພວກເຮົາອາດຈະເຮັດສິ່ງໃດໜຶ່ງ ຫຼື ທັງໝົດຕໍ່ໄປນີ້ຕາມການຕັດສິນໃຈຂອງພວກເຮົາເອງ:

• a. ອອກຄຳເຕືອນກ່ຽວກັບການປະພຶດຂອງທ່ານ.
• b. ຢຸດການສະແດງ ຫຼື ລຶບເນື້ອຫາດັ່ງກ່າວທີ່ກ່ຽວຂ້ອງກັບການລະເມີດດັ່ງກ່າວ (ຫຼື ການລະເມີດທີ່ໜ້າສົງໄສໂດຍມີເຫດຜົນຮອງຮັບ).
• c. ສະແດງການແຈ້ງເຕືອນກັບຜູ້ຮັບເນື້ອຫາທີ່ກ່ຽວຂ້ອງເພື່ອປ້ອງກັນລ່ວງໜ້າເນື່ອງຈາກການລະເມີດນະໂຍບາຍນີ້ທີ່ໜ້າສົງໄສ ຫຼື ຖືກຢືນຢັນແລ້ວ.
• d. ຈຳກັດທ່ານຈາກການນຳໃຊ້ບາງຟັງຊັນບັນຊີ ຫຼື ລະງັບ ຫຼື ສິ້ນສຸດບັນຊີຂອງທ່ານ.
• e. ຖ້າພວກເຮົາເຊື່ອໂດຍມີເຫດຜົນຮອງຮັບວ່າທ່ານໄດ້ກໍ່ອາຊະຍາກຳ ຫຼື ຕ້ອງປະຕິບັດຕາມພາຍໃຕ້ກົດໝາຍທີ່ມີຜົນນຳໃຊ້, ເພື່ອແຈ້ງ ແລະ ຮ່ວມມືກັບໜ່ວຍງານບັງຄັບໃຊ້ກົດໝາຍ ແລະ/ຫຼື ລັດຖະບາຍໃນເຂດອຳນາດສານທີ່ກ່ຽວຂ້ອງ.

ພວກເຮົາພະຍາຍາມນຳໃຊ້ນະໂຍບາຍນີ້ໃຫ້ເໝືອນກັນໃນເຂດອຳນາດສານທັງໝົດ, ແຕ່ໃນບາງເຂດອຳນາດສານ ອາດຈະມີຄວາມຕ້ອງການສະເພາະພາຍໃຕ້ກົດໝາຍທີ່ມີຜົນນຳໃຊ້ເຊິ່ງເຮັດໃຫ້ການນຳໃຊ້ພາກສ່ວນຂອງນະໂຍບາຍນີ້ມີຄວາມຈຳເປັນທີ່ແຕກຕ່າງກັນ. ນອກຈາກນັ້ນ, ກົດໝາຍທີ່ບັງຄັບໃຊ້ກັບ WeChat ມີການພັດທະນາຢ່າງຕໍ່ເນື່ອງ, ດັ່ງນັ້ນ ກະລຸນາຕື່ນຕົວກັບການປ່ຽນແປງຂອງກົດໝາຍ ແລະ ກົດລະບຽບທີ່ບັງຄັບໃຊ້ກັບຜູ້ໃຊ້ໃນເຂດອຳນາດສານອື່ນ.

ຖ້າທ່ານຕ້ອງການລາຍງານຜູ້ໃຊ້ອື່ນທີ່ອາດຈະລະເມີດນະໂຍບາຍນີ້, ກະລຸນາເບິ່ງພາກທີ 12 ຂອງນະໂຍບາຍນີ້ສຳລັບລາຍລະອຽດການຕິດຕໍ່ຂອງພວກເຮົາ.

1.3. ພວກເຮົານຳໃຊ້ນະໂຍບາຍນີ້ແນວໃດ?

ພວກເຮົາຈະດຳເນີນການຢ່າງເໝາະສົມໃນການນຳໃຊ້ນະໂຍບາຍນີ້ ແລະ ພິຈາລະວ່າເນື້ອຫາ ຫຼື ການປະພຶດໃດລະເມີດນະໂຍບາຍນີ້ຫຼືບໍ່. ກະລຸນາເບິ່ງທີ່ສ່ວນທີ່ເຫຼືອຂອງນະໂຍບາຍນີ້ສຳລັບຂໍ້ມູນເພີ່ມເຕີມກ່ຽວກັບສິ່ງທີ່ພວກເຮົາພິຈາລະນາວ່າເປັນເນື້ອໃນ ຫຼື ພືດຕິກຳທີ່ລະເມີດນະໂຍລາຍນີ້:

ພວກເຮົາພົວພັນກັບຜູ້ໃຊ້ຂອງພວກເຮົາ ແລະ ຜູ້ຊ່ຽວຊານພາກສ່ວນທີສາມເປັນບາງຄັ້ງຄາວ, ເພື່ອຮັບປະກັນວ່ານະໂຍບາຍນີ້ສືບຕໍ່ອີງຕາມຄຸນຄ່າຂອງພວກເຮົາ ແລະ ກົດໝາຍ ແລະ ຂໍ້ບັງຄັບທີ່ມີຜົນນຳໃຊ້, ພ້ອມກັບຮັບປະກັນການນຳໃຊ້ WeChat ໃຫ້ມີຄວາມປອດໄພ ແລະ ປະສົບການທີ່ມ່ວນຊື່ນສຳລັບຜູ້ໃຊ້ຂອງພວກເຮົາ.

1.4 ວິທີທີ່ພວກເຮົາອາດຄົ້ນພົບເນື້ອຫາທີ່ເປັນອັນຕະລາຍ

ພວກເຮົາພັດທະນາ ແລະ ນຳໃຊ້ຂະບວນການອັດຕະໂນມັດ ເພື່ອກວດຫາ ແລະ ປ້ອງກັນເນື້ອຫາທີ່ເປັນອັນຕະລາຍທີ່ລະເມີດນະໂຍບາຍນີ້ (ລວມທັງ ເນື້ອຫາທີ່ລະເມີດກົດໝາຍ ຫຼື ຂໍ້ກຳນົດທີ່ບັງຄັບໃຊ້ໃດໆ) ຈາກການເຂົ້າສູ່, ການໃຊ້ ຫຼື ຄົງຢູ່ໃນ WeChat ພາຍໃຕ້ພາລະຜູກພັນຂອງພວກເຮົາ ພາຍໃຕ້ກົດໝາຍທີ່ບັງຄັງໃຊ້ (ລວງທັງ ກົດໝາຍລະຫວ່າງປະເທດທີ່ບັງຄັບໃຊ້ກັບການບໍລິການຂອງບໍລິສັດໃນເຄືອຂອງພວກເຮົາ). ພວກເຮົາອາດຈະປະຕິເສດ ຫຼື ລົບເນື້ອຫາທີ່ເປັນອັນຕະລາຍໃດໆທີ່ມີຢູ່ໃນ ຫຼື ສົ່ງຜ່ານ WeChat ໃນການລະເມີດນະໂຍບາຍນີ້. ທ່ານອາດຈະຕິດຕໍ່ພວກເຮົາໄດ້ທີ່ policy@wechat.com ຖ້າທ່ານມີຄຳຖາມໃດໆກ່ຽວກັບການດຳເນີນການຕາມພາກທີ່ 1.4 ນີ້.

1.5 ການໃຊ້ງານຮ່ວມກັນກັບ WeixinWeChat ສາມາດໃຊ້ງານຮ່ວມກັນໄດ້ກັບ Weixin, ດັ່ງນັ້ນ ທ່ານຈຶ່ງສາມາດສື່ສານກັບຜູ້ໃຊ້ Weixin ໄດ້ ແລະ ໃຊ້ຄຸນສົມບັດບາງຢ່າງທີ່ດຳເນີນງານໂດຍ Weixin.

ເມື່ອທ່ານໃຊ້ຄຸນສົມບັດທີ່ດຳເນີນການໂດຍ Weixin, ທ່ານຈະຢູ່ພາຍໃຕ້ຂໍ້ກຳນົດການບໍລິການຂອງ Weixin ຫຼື ຂໍ້ຕົກລົງການບໍລິການທີ່ກ່ຽວຂ້ອງກັບຄົນສົມບັດດັ່ງກ່າວ. ການລະເມີດຂໍ້ກຳນົດດັ່ງກ່າວອາດຈະສົ່ງຜົນໃຫ້ມີການຈຳກັດການໃຊ້ງານຮ່ວມກັນຂອງ WeChat ກັບ Weixin ຕາມດຸນລະພິນິດຂອງພວກເຮົາ, ລວມທັງຂໍ້ຈຳກັດທີ່ກ່ຽວຂ້ອງກັບການນຳໃຊ້ຄຸນສົມບັດຕ່າງໆຂອງທ່ານທີ່ດຳເນີນການໂດຍ Weixin.

ກະລຸນາຮັບຮູ້ວ່າ ຜູ້ໃຊ້ Weixin ທີ່ທ່ານໂຕ້ຕອບດ້ວຍນັ້ນ ຢູ່ພາຍໃຕ້ ຂໍ້ກຳນົດການບໍລິການຂອງ Weixin, ມາດຕະຖານຂອງການນຳໃຊ້ບັນຊີ Weixin ແລະ ກົດໝາຍ ແລະ ຂໍ້ບັງຄັບທີ່ກ່ຽວຂ້ອງ. ນີ້ໝາຍຄວາມວ່າ ຫາກການໂຕ້ຕອບຂອງທ່ານກັບຜູ້ໃຊ້ Weixin ອາດຈະເຮັດໃຫ້ຜູ້ໃຊ້ Weixin ດັ່ງກ່າວລະເມີດ ຂໍ້ກຳນົດການບໍລິການຂອງ Weixin ແລະ ມາດຕະຖານຂອງການນຳໃຊ້ບັນຊີ Weixin ແລະ ກົດໝາຍ ແລະ ຂໍ້ບັງຄັບທີ່ກ່ຽວຂ້ອງ, Weixin ອາດຈະຈຳກັດ ຫຼື ຈຳກັດການໃຊ້ງານຮ່ວມກັນຂອງ Weixin ກັບ WeChat ຕາມດຸນລະພິນິດຂອງຕົນ, ລວມທັງຈຳກັດ ຫຼື ຈຳກັດຜູ້ໃຊ້ Weixin ຈາກການໂຕ້ຕອບກັບຜູ້ໃຊ WeChat.

ສຸດທ້າຍນີ້, ເມື່ອທ່ານ (ພວກເຮົາເຊື່ອຢ່າງສົມເຫດສົມຜົນວ່າ ທ່ານໄດ້) ລະເມີດນະໂຍບາຍນີ້, ຕາມດຸນລະພິນິດຂອງພວກເຮົາແລ້ວ, ພວກເຮົາຍັງອາດຈະໃຊ້ການດຳເນີນການຕາມນະໂຍບາຍນີ້ດ້ວຍ.

2. ຄວາມຮຸນແຮງ ແລະ ອາຊະຍາກຳ

ພວກເຮົາຫ້າມເນື້ອຫາທີ່ຮຸນແຮງ, ກ່ຽວກັບອາຊະຍາກຳ, ຜິດກົດໝາຍ ຫຼື ບໍ່ເໝາະສົມໃນ WeChat.

ໂດຍສະເພາະ, ພວກເຮົາມີເປົ້າໝາຍເພື່ອຮັບປະກັນວ່າເນື້ອຫາໃດໜຶ່ງທີ່ອາດຈະ (ໃນຄວາມຄິດເຫັນຂອງພວກເຮົາ) ມີສ່ວນໃນຄວາມສ່ຽງ ຫຼື ຄວາມເສຍຫາຍຈິງ ຫຼື ການຂົ່ມຂູ່ໂດຍກົງຕໍ່ກັບຄວາມປອດໄພສາທາລະນະແມ່ນຖືກລຶບອອກໂດຍໄວທີ່ສຸດຕາມທີ່ປະຕິບັດໄດ້.

ນອກຈາກນັ້ນ, ເນື້ອຫາທີ່ລະເມີດກົດໝາຍ ຫຼື ຂໍ້ບັງຄັບທີ່ມີຜົນນຳໃຊ້ຈະຖືກລຶບອອກໂດຍໄວທີ່ສຸດຕາມທີ່ປະຕິບັດໄດ້.

ເນື້ອຫາ ຫຼື ການປະພຶດດັ່ງກ່າວອາດຈະຮວມມີດັ່ງຕໍ່ໄປນີ້:

• a. ການຂົ່ມຂູ່ຄົນອື່ນ, ລວມທັງຄຳຖະແຫຼງຂອງຄວາມຕັ້ງໃຈທີ່ກ່ຽວຂ້ອງກັບການສ້າງຄວາມຮຸນແຮງ (ລວມທັງການຄາຕະກຳ ຫຼື ການສະເໜີການບໍລິການຮັບຈ້າງຂ້າຄົນອື່ນ) ຫຼື ການກະທຳທີ່ເປັນອາຊະຍາກຳອື່ນ (ຕົວຢ່າງ: ການລັກພາຕົວ).
• b. ຄຳແນະນຳວິທີສ້າງອາວຸດ ຫຼື ລະເບີດ.
• c. ການໃຫ້ຂໍ້ມູນຜິດເຊິ່ງສົ່ງຜົນຕໍ່ກັບຄວາມຮຸນແຮງ ຫຼື ການທຳຮ້າຍຮ່າງກາຍທີ່ອາດຈະເກີດຂຶ້ນ.
• d. ອົງກອນທີ່ສົ່ງເສີມ ຫຼື ຢູ່ໃນທຸລະກິດທີ່ມີເປົ້າໝາຍສົ່ງເສີມກິດຈະກຳທີ່ຜິດກົດໝາຍ.
• e. ສົ່ງເສີມ ຫຼື ເຜີຍແຜ່ອາຊະຍາກຳທີ່ຮຸນແຮງ, ການລັກ ແລະ/ຫຼື ການສໍ້ໂກງ.
• f. ສະໜັບສະໜູນ ຫຼື ປະສານງານກິດຈະກຳອາຊະຍາກຳໃນອະນາຄົດ.

ພວກເຮົາຍັງຫ້າມອົງກອນ ຫຼື ບຸກຄົນທີ່ກ່ຽວຂ້ອງກັບສິ່ງທີ່ຢູ່ດ້ານເທິງໃດໜຶ່ງ, ລວມທັງການປະສານງານ ຫຼື ການສົ່ງເສີມທີ່ກ່ຽວຂ້ອງໃດໜຶ່ງ.

ກິດຈະກຳທີ່ຜິດກົດໝາຍ ແລະ/ຫຼື ເປັນອາຊະຍາກຳໃນເຂດອຳນາດສານທີ່ແຕກຕ່າງກັນອາດຈະຮວມມີ:

• g. ກິດຈະກຳທີ່ເປັນການກໍ່ການຮ້າຍ, ສ້າງຄວາມກຽດຊັງແບບມີການຈັດຕັ້ງ, ການລັກພາຕົວ, ການຄ້າມະນຸດ, ຫຼື ກິດຈະກຳທີ່ເປັນອາຊະຍາກຳແບບມີການຈັດຕັ້ງ.
• h. ການກະທຳທີ່ຮຸນແຮງ - ຕົວຢ່າງ: ການຄາຕະກຳ, ການທຳຮ້າຍຄົນ ຫຼື ສັດ (ບໍ່ຮວມກິດຈະກຳທີ່ຖືກກົ ດໝາຍເຊັ່ນ: ການຊົກມວຍ, ການລ່າ ຫຼື ການປຸງແຕ່ງອາຫານ).
• i. ການສະເໜີສິນຄ້າ ຫຼື ການບໍລິການທີ່ຜິດກົດໝາຍ - ຕົວຢ່າງ: ການບໍລິການຮັບຈ້າງຂ້າຄົນອື່ນ, ການຂາຍສິນຄ້າທີ່ຖືກຫ້າມ ຫຼື ຜິດກົດໝາຍ, ການຂາຍສິນຄ້າ ຫຼື ການບໍລິການທີ່ໄດ້ມາແບບຜິດກົດໝາຍ (ເຊັ່ນ: ຂໍ້ມູນ ຫຼື ສິນຄ້າທີ່ຖືກລັກມາ), ການແຈກຢາຍເງິນຕາທີ່ຖືກປອມແປງ.
• j. ການລັກ.
• k. ການທຳລາຍ/ການສ້າງຄວາມເສຍຫາຍຕໍ່ຊັບສິນ.
• l. ການລາຍງານຫຼອກ - ຕົວຢ່າງ: ການລາຍງານເຫດການສຸກເສີນທີ່ບໍ່ເປັນຈິງ.
• m. ການສໍ້ໂກງ/ການຍັກຍອກ ຫຼື ການຟອກເງິນ.
• n. ກິດຈະກຳທີ່ລະເມີດຂໍ້ກຳນົດທີ່ກ່ຽວຂ້ອງກັບການປົກປ້ອງຜູ້ບໍລິໂພກ - ຕົວຢ່າງ: ການໂຄສະນາທີ່ບໍ່ເປັນຈິງ ຫຼື ການຄ້າການບໍລິການ/ສິນຄ້າປອມ.
• o. ການພະນັນ.

ລາຍລະອຽດເພີ່ມຕື່ມກ່ຽວກັບກິດຈະກຳຜິດກົດໝາຍຫຼາຍຢ່າງທີ່ພວກເຮົາຫ້າມໃນ WeChat ແມ່ນລະບຸໄວ້ໃນສ່ວນທີ່ເຫຼືອຂອງນະໂຍບາຍນີ້.

3. ຄວາມປອດໄພສ່ວນຕົວ

ພວກເຮົາຕ້ອງການຮັບປະກັນວ່າ WeChat ເປັນສະພາບແວດລ້ອມທີ່ປອດໄພສຳລັບຜູ້ໃຊ້ຂອງພວກເຮົາທັງໝົດ.

ເພື່ອແບບນັ້ນ, ພວກເຮົາຈຶ່ງຫ້າມເນື້ອຫາ ຫຼື ການປະພຶດທີ່ກ່ຽວຂ້ອງ, ສະແດງເຖິງ, ສົ່ງເສີມ ຫຼື ສະໜັບສະໜູນການເຂົ້າຮ່ວມໃນ ຫຼື ຊັກຊວນສິ່ງໃດໜຶ່ງຕໍ່ໄປນີ້:

• a. ການຂ້າຕົວຕາຍ ແລະ ການທຳຮ້າຍຕົວເອງ - ລວມທັງການກາລຸນຍະຄາດ, ການທຳຮ້າຍຕົນເອງ, ການຫຼຸດນ້ຳໜັກທີ່ສຸດໂຕ່ງ ແລະ ຂະບວນການເສີມຄວາມງາມທີ່ເປັນອັນຕະລາຍ.
• b. ຮູບໂປ້ເປືອຍຂອງເດັກນ້ອຍ ຫຼື ການໃຊ້ປະໂຫຍດ​ - ລວມທັງເນື້ອຫາທີ່ຜູ້ໃຫຍ່ຊັກຊວນເດັກ (ແລະ ກົງກັນຂ້າມກັນ).
• c. ການໃຊ້ປະໂຫຍດທາງເພດຂອງຜູ້ໃຫຍ່ - ຕົວຢ່າງ: ການກະທຳ ຫຼື ຮູບພາບທີ່ກ່ຽວຂ້ອງກັບຜູ້ໃຫຍ່ທີ່ບໍ່ມີການຍິນຍອມ, ການບໍລິການທາງເພດແບບຈ່າຍເງິນ ແລະ ປະເພດຮູບໂປ້ເປືອຍອື່ນໆ (ບໍ່ວ່າການແຈກຢາຍສູ່ສາທາລະນະຂອງມັນໄດ້ຮັບການຍິນຍອມແລ້ວ ຫຼື ບໍ່ກໍຕາມ).
• d. ການຂົ່ມເຫັງ ຫຼື ຮຸກຮານ - ໂດຍສຸມໃສ່ສະເພາະຜູ້ທີ່ອາຍຸຕ່ຳກວ່າເກນ ແລະ ລວມທັງການຕິດຕໍ່ອື່ນໆ (ຕົວຢ່າງ: ຂໍ້ຄວາມ ຫຼື ການໂທ) ເຊິ່ງກ່ຽວຂ້ອງກັບການປະພຶດແບບຂົ່ມເຫັງ.
• e. ການໃຊ້ປະໂຫຍດຈາກມະນຸດ - ຕົວຢ່າງ: ການຄ້າມະນຸດ (ເອົາອິດສະຫຼະພາບໄປຈາກບຸກຄົນເພື່ອຜົນປະໂຫຍດ) ແລະ ການລັກພາຕົວມະນຸດ (ການຈັດຊື້ ຫຼື ສະໜັບສະໜູນການເຂົ້າລັດແບບຜິດກົດໝາຍ), ດ້ວຍ ຫຼື ປາສະຈາກການໃຊ້ກຳລັງ ຫຼື ບັງຄັບ ແລະ ດ້ວຍ ຫຼື ປາສະຈາກອົງປະກອບທາງເພດ.
• f. ການປະພຶດອື່ນໆທີ່ (ໃນຄວາມຄິດເຫັນຂອງພວກເຮົາ) ອາດຈະສ້າງຄວາມກັງວັນ ແລະ/ຫຼື ຄວາມບໍ່ພໍໃຈໂດຍມີເຫດຜົນຮອງຮັບ.

4. ການປົກປ້ອງຄວາມເປັນສ່ວນຕົວ ແລະ ຂໍ້ມູນສ່ວນຕົວ/ເປັນຄວາມລັບ

ພວກເຮົາມຸ່ງໝັ້ນປົກປ້ອງຄວາມເປັນສ່ວນຕົວຂອງຜູ້ໃຊ້ຂອງພວກເຮົາ ແລະ ຂໍ້ມູນສ່ວນຕົວ/ເປັນຄວາມລັບ ແລະ ຫ້າມການແບ່ງປັນ ຫຼື ເຜີຍແຜ່ເນື້ອຫາດັ່ງກ່າວໂດຍປາສະຈາກການຍິນຍອມທີ່ຊັດເຈນຈາກຜູ້ໃຊ້ທີ່ກ່ຽວຂ້ອງ ຫຼື ໂດຍພື້ນຖານທາງກົດໝາຍອື່ນ. ການປະພຶດທີ່ຖືກຫ້າມດັ່ງກ່າວຮວມມີ:

• a. ການລັກຕົວຕົນ.
• b. ການໂພສຂໍ້ມູນສ່ວນຕົວໂດຍປາສະຈາກການຍິນຍອມ (ລວມທັງ "ການລັກເຜີຍແຜ່" - ຕົວຢ່າງ: ການເຜີຍແຜ່ຂໍ້ມູນລະບຸຕົວຕົວຂອງບຸກຄົນດ້ວຍຈຸດປະສົງສ້າງການຮຸກຮານ, ການຕົກໃຈ ຫຼື ບໍ່ພໍໃຈ).
• c. ການໂພສຂໍ້ມູນທີ່ໄດ້ຮັບມາຜ່ານການແຮກ ຫຼື ວິທີທາງທີ່ບໍ່ຖືກຕ້ອງ ຫຼື ຖືກກົດໝາຍ.
• d. ການເປີດເຜີຍທີ່ຢູ່/ເຮືອນພັກແບບບໍ່ໄດ້ຮັບອະນຸຍາດ.
• e. ການໂພສຂໍ້ມູນຂອງເດັກ.

ນອກຈາກນັ້ນ, ພວກເຮົາຍັງປະຕິບັດ ແລະ ປົກປ້ອງຂໍ້ມູນສ່ວນຕົວຂອງຜູ້ໃຊ້ຂອງພວກເຮົາໂດຍອີງຕາມ ນະໂຍບາຍວ່າດ້ວຍຄວາມເປັນສ່ວນຕົວຂອງພວກເຮົາ.

5. ເນື້ອຫາທີ່ບໍ່ໜ້າພຶງພໍໃຈ

ພວກເຮົາຫ້າມເນື້ອຫາ ແລະ ການປະພຶດທີ່ບໍ່ໜ້າພຶງພໍໃຈໃນ WeChat. ພວກເຮົາເບິ່ງເນື້ອຫາ ແລະ ການປະພຶດທີ່ບໍ່ໜ້າພຶງພໍໃຈວ່າເປັນເນື້ອຫາ ຫຼື ການປະພຶດທີ່ອາດຈະສ້າງຄວາມກັງວົນ ແລະ/ຫຼື ບໍ່ພໍໃຈໂດຍມີເຫດຜົນຮອງຮັບ, ຕໍ່ກັບບຸກຄົນ ແລະ/ຫຼື ສາທາລະນະ. ສິ່ງນີ້ອາດຈະຮວມມີ:

• a. ຄຳເວົ້າກຽດຊັງ - ຕົວຢ່າງ: ການໂຈມຕີໂດຍກົງໂດຍອີງໃສ່ເຊື້ອຊາດ, ເຜົ່າ, ຊາດກຳເນີດ, ສາສະໜາ, ລົດສະນິຍົມທາງເພດ, ຄວາມພິການທາງຮ່າງກາຍ ຫຼື ຈິດໃຈ ຫຼື ຮູບແບບຮູບພາບ ຫຼື ຄຳເວົ້າທີ່ "ຫຼຸດຄຸນຄ່າຄວາມເປັນມະນຸດ" ອື່ນໆ.
• b. ເນື້ອຫາຮູບພາບຄວາມຮຸນແຮງ - ລວມທັງຕໍ່ກັບມະນຸດ ແລະ ສັດ (ແລະ ບໍ່ວ່າຈະມີຊີວິດ ຫຼື ຕາຍແລ້ວ).
• c. ກິດຈະກຳທາງເພດ ແລະ ໂປ້ເປືອຍ.
• d. ການຊັກຊວນທາງເພດ - ຕົວຢ່າງ: ການແບ່ງປັນຮູບໂປ້ເປືອຍ ຫຼື ການສະເໜີ/ຄຳຮ້ອງຂໍສຳລັບການບໍລິການທາງເພດ.
• e. ເອກະສານທີ່ຮຸນແຮງ ຫຼື ຂາດຄວາມໃສ່ໃຈ ຫຼື ການປະພຶດຜິດອື່ນໆ - ຕົວຢ່າງ: ມີເປົ້າໝາຍຕໍ່ກັບຜູ້ເຄາະຮ້າຍຈາກການທຳຮ້າຍທາງຄວາມຮູ້ສຶກ ຫຼື ຮ່າງກາຍ, ການກ່າວຫາໃຫ້ເກີດຄວາມຕາຍຕໍ່ບຸກຄົນ, ຮູບໂປ້ເປືອຍເພື່ອແກ້ແຄ້ນ ຫຼື ການອ້າງສິດທີ່ຜິດພາດ (ຕົວຢ່າງ: ການອ້າງສິດລັກສະນະ/ຄວາມສາມາດທີ່ຜິດພາດ).

6. ເນື້ອຫາ ແລະ ການປະພຶດທີ່ແທ້ຈິງ

ພວກເຮົາມີເປົ້າໝາຍເພື່ອຮັບປະກັນວ່າເນື້ອຫາ ແລະ ການປະພຶດໃນ WeChat ເປັນຄວາມຈິງ, ໂດຍການພະຍາຍາມກຳຈັດຂ່າວປອມ, ການບິດເບືອນຂໍ້ມູນ, ການໃຫ້ຂໍ້ມູນຜິດ, ໂຄສະນາທີ່ບໍ່ເປັນຈິງ, ການສໍ້ໂກງ ແລະ ການລະເມີດຄວາມປອດໄພໃນ WeChat.

ເພື່ອແບບນັ້ນ, ພວກເຮົາຫ້າມເນື້ອຫາຕໍ່ໄປນີ້:

• a. ເນື້ອຫາສະແປມ - ລວມທັງການນຳໃຊ້ບັນຊີປອມ ຫຼື ການຮຸກຮານບັນຊີຂອງຄົນອື່ນເພື່ອສົ່ງຂໍ້ຄວາມໃຫ້ຄົນ ຫຼື ສ້າງການເຊື່ອມຕໍ່ ຫຼື ເນື້ອຫາ ແລະ ພະຍາຍາມພົວພັນກັບຜູ້ໃຊ້ອື່ນພາຍໃຕ້ຮູບແບບການຫຼອກລວງ (ຕົວຢ່າງ: ການນຳໃຊ້ສິດການເຂົ້າສູ່ລະບົບທີ່ຜິດ ຫຼື ແຈກຢາຍຂໍ້ມູນປອມ).
• b. ການບົງການ ຫຼື ການລົບກວນ WeChat - ລວມທັງການບົງການ ຫຼື ລົບກວນການນຳໃຊ້ WeChat ຂອງຜູ້ໃຊ້ອື່ນ.
• c. ປະສານງານ, ເຜີຍແຜ່, ແຈກຢາຍ ຫຼື ເຂົ້າຮ່ວມການປະພຶດທີ່ບໍ່ເປັນຈິງ, ລວມທັງການກະທຳທີ່ກ່ຽວຂ້ອງກັບຂ່າວປອມ, ການບິດເບືອນຂໍ້ມູນ ຫຼື ການໃຫ້ຂໍ້ມູນຜິດ ແລະ ທີ່ກ່ຽວຂ້ອງກັບຫົວຂໍ້ ຫຼື ບຸກຄົນ).
• d. ການນຳໃຊ້ WeChat ໃນນາມຂອງໜ່ວຍງານລັດ, ໂດຍປາສະຈາກການເປີດເຜີຍເຕັມ.
• e. ເນື້ອຫາສັງເຄາະ ແລະ ດັດແປງທີ່ອາດຈະຫຼອກລວງ, ສ້າງຄວາມສັບສົນ ຫຼື ເປັນອັນຕະລາຍຕໍ່ຄົນອື່ນ (ລວມເຖິງ ເນື້ອຫາປອມ)

ມີຫຼາຍເຂດອຳນາດສານທີ່ໄດ້ນຳໃຊ້ກົດໝາຍທີ່ຫຼາກຫຼາຍໃນພື້ນທີ່ນີ້. ພວກເຮົາຈະປະຕິບັດຕາມກົດໝາຍທີ່ຮຽກຮ້ອງໃຫ້ປະຕິບັດແບບນັ້ນ (ລວມທັງຄຳຮ້ອງຂໍຂອງລັດຖະບານ ແລະ ຄຳສັ່ງສານທີ່ຖືກສ້າງຂຶ້ນໂດຍອີງຕາມກົດໝາຍດັ່ງກ່າວ). ສຳລັບຂໍ້ມູນເພີ່ມຕື່ມກ່ຽວກັບວິທີທີ່ພວກເຮົາປະຕິບັດກັບຄຳຮ້ອງຂໍຂອງລັດຖະບານ, ກະລຸນາເບິ່ງທີ່ ຄຳແນະນຳຄຳຮ້ອງຂໍຂໍ້ມູນການບັງຄັບໃຊ້ກົດໝາຍ ແລະ ນະໂຍບາຍຄຳຮ້ອງຂໍຂອງລັດຖະບານ.

7. ການນຳໃຊ້ WeChat ໃນທາງທີ່ຜິດ

7.1. ທົ່ວໄປ

ພວກເຮົາຫ້າມການນຳໃຊ້ WeChat ໃນທາງທີ່ຜິດ. ນີ້ຮວມມີ:

• a. ການສະແດງຕົວຕົນຂອງທ່ານເອງທີ່ບໍ່ຖືກຕ້ອງ - ຕົວຢ່າງ: ຊື່ ຫຼື ວັນເກີດປອມ, ການອັບໂຫຼດຮູບພາບປອມເພື່ອໃຫ້ເຊື່ອວ່າແມ່ນທ່ານ, ຊີ້ນຳຜູ້ໃຊ້ ຫຼື WeChat ໃນທາງທີ່ຜິດກ່ຽວກັບແຫຼ່ງ ຫຼື ຕົ້ນກຳເນີດຂອງເນື້ອຫາ.
• b. ການສ້າງບັນຊີປອມ ຫຼື ການສ້າງຫຼາຍບັນຊີສຳລັບການນຳໃຊ້ WeChat ໃນທາງທີ່ຜິດ.
• c. ການສ້າງບັນຊີຫຼັງຈາກທີ່ພວກເຮົາໄປຫ້າມການນຳໃຊ້ WeChat ຂອງທ່ານ.
• d. ການສະໜອງຂໍ້ມູນປອມໃຫ້ແກ່ພວກເຮົາ, ລວມທັງລະຫວ່າງຂະບວນການການລົງທະບຽນຂອງທ່ານ.
• e. ແບ່ງປັນບັນຊີຂອງທ່ານກັບຜູ້ໃຊ້ອື່ນ.
• f. ການນຳໃຊ້ WeChat ເພື່ອຮຸກຮານຄົນອື່ນ.
• g. ການລະເມີດຂໍ້ກຳນົດການລົງທະບຽນອື່ນໃດໜຶ່ງທີ່ພວກເຮົາອາດຈະມີເປັນບາງຄັ້ງຄາວ.

7.2. ການລະເມີດສິດຂອງພວກເຮົາ ຫຼື ການຂັດຂ້ອງທາງເຕັກນິກຂອງ WeChat ອື່ນໆ

ພວກເຮົາຫ້າມການນຳໃຊ້ WeChat ທີ່ລະເມີດ (ຫຼື ອາດຈະລະເມີດ) ສິດຂອງພວກເຮົາ ຫຼື ບໍ່ດັ່ງນັ້ນອາດສ້າງຄວາມຂັດຂ້ອງທາງເຕັກນິກກັບ WeChat. ການນຳໃຊ້ດັ່ງກ່າວອາດຈະຮວມມີສິ່ງຕໍ່ໄປນີ້:

• a. ການນຳໃຊ້ ຫຼື ການໃຊ້ປະໂຫຍດສິດໃນຊັບສິນທາງປັນຍາຂອງພວກເຮົາໃດໜຶ່ງ (ລວມທັງເຄື່ອງໝາຍການຄ້າຂອງພວກເຮົາ, ຍີ່ຫໍ້, ຊື່, ໂລໂກ້, ຂໍ້ມູນທີ່ກ່ຽວຂ້ອງກັບພວກເຮົາອື່ນໆ ຫຼື ໂຄງສ້າງການອອກແບບໜ້າໃດໜຶ່ງ) ຫຼື ບໍ່ດັ່ງນັ້ນລະເມີດສິດໃນຊັບສິນທາງປັນຍາຂອງພວກເຮົາ (ລວມທັງການພະຍາຍາມເຮັດວິສະວະກຳຍ້ອນກັບຕໍ່ກັບແອັບພລິເຄຊັນ ຫຼື ຊອບແວຣ໌ທີ່ຖືກນຳໃຊ້ເພື່ອເຂົ້າເຖິງ WeChat);
• b. ການເຂົ້າເຖິງ WeChat, ການເກັບກຳ ຫຼື ປະມວນຜົນເນື້ອຫາທີ່ສາມາດໃຊ້ໄດ້ຜ່ານ WeChat ຫຼື ການສົ່ງ ຫຼື ປ່ຽນເສັ້ນທາງການສື່ສານຜ່ານ WeChat, ໃນແຕ່ລະກໍລະນີຜ່ານການນຳໃຊ້ບັອດອັດຕະໂນມັດ, ຊອບແວຣ໌, ເຄື່ອງມື, ຕົວລໍ້ລວງ, ຕົວຕັດ, ເຄື່ອງມືການເຮັດເໝືອງຂໍ້ມູນ ຫຼື ຄ້າຍຄື ຫຼື ການພະຍາຍາມເຮັດສິ່ງດັ່ງກ່າວ;
• c. ພົວພັນກັບ "ການຫຼອກລວງ" ໃດກໍຕາມ, "ການຮຽນແບບ" ຫຼື ເຕັກນິກອື່ນໆເພື່ອຈຳລອງໜ້າຕາ ຫຼື ຟັງຊັນຂອງ WeChat;
• d. ການຂັດຂວາງ ຫຼື ພະຍາຍາມຂັດຂວາງການເຂົ້າເຖິງ WeChat ຂອງຜູ້ໃຊ້ ຫຼື ພາກສ່ວນອື່ນ;
• e. ການຕັ້ງໃຈແຈກຢາຍໄວຣັສ, ໜອນ, ມ້າໂທຣຈານ, ໄຟລ໌ລົບກວນ ຫຼື ໂຄດ ຫຼື ລາຍການທີ່ປະສົງຮ້າຍອື່ນໆ;
• f. ການພະຍາຍາມຫາ ຫຼື ທົດສອບຈຸດອ່ອນຂອງ, ຫຼື ຫຼີກເວັ້ນ (ຫຼື ພະຍາຍາມຫຼີກເວັ້ນ) ຄຸນສົມບັດຄວາມປອດໄພໃນ WeChat, ລະບົບຂອງພວກເຮົາ ຫຼື ລະບົບຂອງຜູ້ໃຊອື່ນ;
• g. ຍົກເລີກການແປງລະຫັດ, ຍ້ອນຄືນການແປງລະຫັດ ຫຼື ວິສະວະກຳຍ້ອນກັບຊອບແວຣ໌ WeChat ຫຼື ຊອກຫາວິທີເຮັດສິ່ງຕໍ່ໄປນີ້, ຍົກເວັ້ນຕາມຂອບເຂດກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ບໍ່ອະນຸຍາດໃຫ້ພວກເຮົາກີດກັ້ນທ່ານຈາກການເຮັດສິ່ງນີ້;
• h. ການອະນຸຍາດຍ່ອຍ, ເຊົ່າ, ໃຫ້ເຊົ່າ ຫຼື ຂາຍຊອບແວຣ໌ WeChat;
• i. ການນຳໃຊ້ຊອບແວຣ໌ WeChat ເພື່ອໄດ້ຮັບການເຂົ້າເຖິງລະບົບ, ບັນຊີ ຫຼື ຂໍ້ມູນແບບບໍ່ໄດ້ຮັບອະນຸຍາດ;
• j. ການຮຽກເກັບເງິນຜູ້ອື່ນໂດຍກົງ ຫຼື ທາງອ້ອມສຳລັບການນຳໃຊ້ ຫຼື ເຂົ້າເຖິງຊອບແວຣ໌ WeChat;
• k. ການແນະນຳການສົ່ງເສີມ ຫຼື ສະໜັບສະໜູນຂອງພວກເຮົາໂດຍກົງ ຫຼື ທາງອ້ອມສຳລັບຜະລິດຕະພັນ, ການບໍລິການ ຫຼື ເນື້ອຫາ;
• l. ການເຮັດໃຫ້ຊອບແວຣ໌ WeChat ສາມາດເຮັດສຳເນົາ, ດາວໂຫຼດ ຫຼື ນຳໃຊ້ໂດຍຄົນ ຫຼື ກຸ່ມຄົນອື່ນ;
• m. ການລຶບອອກ, ເຮັດໃຫ້ພົບບໍ່ໄດ້ ຫຼື ແກ້ໄຂລິຂະສິດ, ເຄື່ອງໝາຍການຄ້າ ຫຼື ການແຈ້ງການສິດທີ່ກ່ຽວຂ້ອງອື່ນໆ, ເຄື່ອງໝາຍ ຫຼື ຕົວລະບຸທີ່ພົບໃນ ຫຼື ຢູ່ຊອບແວຣ໌ WeChat;
• n. ສະແດງແຫຼ່ງ ຫຼື ຄວາມເປັນເຈົ້າຂອງຊອບແວຣ໌ WeChat ທີ່ບໍ່ຖືກຕ້ອງ;
• o. ການສຳເນົາ, ຜະລິດຊ້ຳ, ປັບແຕ່ງ, ແກ້ໄຂ, ແປ ຫຼື ສ້າງຜະລິດຕະພັນຍ່ອຍຈາກຊອບແວຣ໌ WeChat ຫຼື ການໃຫ້ເຊົ່າ, ຈ້າງ, ເຊົ່າ, ດຳເນີນການ, ອະນຸຍາດຍ່ອຍ, ເຮັດໃຫ້ສາມາດໃຊ້ໄດ້ໂດຍສາທາລະນະ, ອອກອາກາດ, ແຈກຢາຍ, ສົ່ງຕໍ່ ຫຼື ນຳໃຊ້ລາຍການໂດຍທັງໝົດ ຫຼື ສ່ວນໜຶ່ງ ຫຼື ພະຍາຍາມທີ່ຈະເຮັດສິ່ງດັ່ງກ່າວ;
• p. ການພະຍາຍາມຂັດຂວາງ ຫຼື ລົບກວນຊອບແວຣ໌ WeChat ລວມທັງການບົງການການດຳເນີນງານທີ່ຖືກຕ້ອງຂອງຊອບແວຣ໌ WeChat;
• q. ການນຳໃຊ້ສູດໂກງ, ການໃຊ້ປະໂຫຍດ, ຊອບແວຣ໌ອັດຕະໂນມັດ ຫຼື ຊອບແວຣ໌ພາກສ່ວນທີສາມທີ່ບໍ່ໄດ້ຮັບອະນຸຍາດທີ່ຖືກອອກແບບມາເພື່ອແກ້ໄຂ ຫຼື ຂັດຂວາງຊອບແວຣ໌ WeChat;
• r. ການລົບກວນ ຫຼື ເຮັດໃຫ້ເກີດວຽກໜັກຕໍ່ກັບຄອມພິວເຕີ ຫຼື ເຊີບເວີທີ່ນຳໃຊ້ເພື່ອສະໜອງ ຫຼື ສະໜັບສະໜູນຊອບແວຣ໌ WeChat ຫຼື ການນຳໃຊ້ຊອບແວຣ໌ WeChat ອື່ນ; ຫຼື
• s. ການພັດທະນາປລັກອິນ, ອົງປະກອບພາຍນອກ, ສ່ວນທີ່ເຂົ້າກັນ ຫຼື ອົງປະກອບເຊື່ອມຕໍ່ລະຫວ່າງກັນ ຫຼື ເຕັກໂນໂລຊີອື່ນທີ່ເຮັດວຽກຮ່ວມກັນກັບຊອບແວຣ໌ WeChat, ຍົກເວັ້ນວ່າພວກເຮົາອະນຸຍາດຢ່າງຊັດເຈນໃຫ້ທ່ານເຮັດແບບນັ້ນໄດ້ຜ່ານ WeChat (ແລະ ໃນກໍລະນີນີ້, ການນຳໃຊ້ຊອບແວຣ໌ WeChat ດັ່ງກ່າວອາດຈະອີງຕາມຂໍ້ກຳນົດ ແລະ ເງື່ອນໄຂເພີ່ມຕື່ມຕາມທີ່ພວກເຮົາໄດ້ແຈ້ງທ່ານ).

7.3. ຜູ້ໃຊ້ທີ່ຖືກຫ້າມ

ທ່ານອາດຈະບໍ່ສາມາດລົງທະບຽນ ຫຼື ນຳໃຊ້ WeChat ຖ້າວ່າ:

• a. ທ່ານໄດ້ຖືກຕັດສິນວ່າກະທຳຜິດຕໍ່ເດັກ ຫຼື ກະທຳຜິດທາງເພດ;
• b. ທ່ານອາຍຸຕ່ຳກວ່າ 13 ປີ ຫຼື ອາຍຸທີ່ກ່ຽວຂ້ອງຕາມເຂດອຳນາດສານຂອງທ່ານທີ່ພິຈາລະນາວ່າທ່ານເປັນເດັກ; ຫຼື
• c. ພວກເຮົາໄດ້ສິ້ນສຸດບັນຊີຂອງທ່ານກ່ອນໜ້ານີ້ ແລະ ແຈ້ງທ່ານວ່າທ່ານບໍ່ສາມາດນຳໃຊ້ WeChat ຫຼື ການບໍລິການອື່ນຂອງພວກເຮົາໄດ້ອີກຕໍ່ໄປ.

8. ສິນຄ້າ ແລະ ການບໍລິການທີ່ຖືກຄວບຄຸມ

ໃນຫຼາຍເຂດອຳນາດສານ, ບາງສິນຄ້າ ຫຼື ການບໍລິການອາດຈະຜິດກົດໝາຍ ຫຼື ພວກມັນອາດຈະຖືກແຈກຢາຍ ແລະ/ຫຼື ຂາຍໂດຍອີງຕາມຄຸນສົມບັດ ແລະ ຂໍ້ຈຳກັດເຫຼົ່ານັ້ນ.

ພວກເຮົາຮັບຮູ້ວ່າເຂດອຳນາດສານທີ່ແຕກຕ່າງກັນອາດຈະປະຕິບັດຕໍ່ກັບສິນຄ້າ ແລະ ການບໍລິການຕ່າງໆແຕກຕ່າງກັນ. ສິ່ງນີ້ຕ້ອງດຸ່ນດ່ຽງກັບເປົ້າໝາຍຂອງພວກເຮົາໃນການນຳໃຊ້ນະໂຍບາຍນີ້ຢ່າງເທົ່າທຽມ ແລະ ທົ່ວເຖິງສຳລັບຜູ້ໃຊ້ທັງໝົດທົ່ວໂລກ.

ດັ່ງນັ້ນ, ໃນບາງສະຖານະການ, ພວກເຮົາອາດຈະຫ້າມການຂາຍ ຫຼື ການແຈກຢາຍບາງລາຍການທັງໝົດ. ໃນສະຖານະການອື່ນ, ພວກເຮົາອາດຈະອະນຸຍາດການຂາຍ ຫຼື ການແຈກຢາຍດັ່ງກ່າວ, ໂດຍອີງຕາມບາງຂໍ້ຈຳກັດທີ່ອອກໂດຍພວກເຮົາ (ຕົວຢ່າງ: ອາຍຸ ຫຼື ຂໍ້ຈຳກັດທາງພູມສາດ). ຂໍ້ຈຳກັດດັ່ງກ່າວຈະຮວມເອົາກົດໝາຍ ແລະ ຄຳແນະນຳທີ່ມີຜົນບັງຄັບໃຊ້ເຂົ້ານຳ ແລະ ອາດຈະຖືກອັບເດດໂດຍພວກເຮົາເປັນບາງຄັ້ງຄາວດ້ວຍການຕັດສິນໃຈຂອງພວກເຮົາເອງ.

ລາຍການດັ່ງກ່າວອາດຈະຮວມມີ:

• a. ຢາ - ລວມທັງຢາທາງການແພດ ຫຼື ສຳລັບການຜະລິດຢາເຊິ່ງຕ້ອງການການອະນຸຍາດ ຫຼື ການອະນຸມັດຕາມກົດໝາຍກ່ອນທີ່ພວກມັນຈະສາມາດແຈກຢາຍ ແລະ ຢາເສບຕິດ ຫຼື ບໍ່ແມ່ນທາງການແພດອື່ນ (ຕົວຢ່າງ: ກັນຊາ).
• b. ອາໄຫຼ່ອາວຸດປືນ, ລູກປືນ ແລະ ອາວຸດຮຸນແຮງອື່ນໆ - ລວມທັງໄຟລ໌ການພິມ 3D ຂອງລາຍການດັ່ງກ່າວ.
• c. ການຂາຍ ຫຼື ການຄ້າອະໄວຍະວະມະນຸດ ແລະ ຊິ້ນສ່ວນຮ່າງກາຍ, ລວມທັງເລືອດມະນຸດ.
• d. ຜະລິດຕະພັນຢາສູບ ຫຼື ທາດເຫຼົ້າ.
• e. ຜະລິດຕະພັນເຄື່ອງສຳອາງ, ລວມທັງຜະລິດຕະພັນຫຼຸດນ້ຳໜັກ.

ຂໍ້ຈຳກັດອື່ນໆ (ແລະ ລາຍລະອຽດກ່ຽວກັບຂໍ້ຈຳກັດດັ່ງກ່າວ) ອາດຈະຖືກລະບຸໄວ້ໃນຂໍ້ກຳນົດ ແລະ ເງື່ອນໄຂທີ່ມີຜົນນຳໃຊ້.

9. ການປະຕິບັດຂອງພວກເຮົາຕໍ່ກັບສິດໃນຊັບສິນທາງປັນຍາ ແລະ ເນື້ອຫາອື່ນໆ

ພວກເຮົາເອົາໃຈໃສ່ສິດໃນຊັບສິນທາງປັນຍາຢ່າງຈິງຈັງ ແລະ ມີເປົ້າໝາຍເພື່ອຮັບປະກັນວ່າ WeChat ປະຕິບັດຕາມກົດໝາຍ ແລະ ຂໍ້ບັງຄັບທີ່ກ່ຽວຂ້ອງກັບສິດໃນຊັບທາງປັນຍາທີ່ມີຜົນນຳໃຊ້ຢູ່ສະເໝີ. ພວກເຮົາອາດຈະລຶບເນື້ອຫາທີ່ລະເມີດສິດໃນຊັບສິນທາງປັນຍາຂອງພາກສ່ວນໃດໜຶ່ງ ແລະ/ຫຼື ພາກສ່ວນທີ່ກ່ຽວຂ້ອງອອກໄດ້ຕະຫຼອດເວລາ.

ການປະຕິບັດຂອງພວກເຮົາຕໍ່ກັບສິດໃນຊັບສິນທາງປັນ ແລະ ເນື້ອຫາອື່ນແມ່ນອີງຕາມ:

• a. ຂໍ້ກຳນົດການບໍລິການ ຂອງພວກເຮົາ - ທີ່ກ່ຽວຂ້ອງກັບວິທີທີ່ເນື້ອຫາຖືກນຳໃຊ້ ແລະ ຖືກແຈກຢາຍໂດຍທົ່ວໄປໃນ WeChat.
• b. ນະໂຍບາຍລິຂະສິດ ຂອງພວກເຮົາ - ທີ່ກ່ຽວຂ້ອງກັບວິທີທີ່ທ່ານສາມາດຄັດຄ້າການລະເມີດລິຂະສິດຂອງທ່ານໃນ WeChat ແລະ ເຮັດໃຫ້ເນື້ອຫາທີ່ລະເມີດດັ່ງກ່າວຖືກລຶບອອກ.
• c. ນະໂຍບາຍວ່າດ້ວຍຄວາມເປັນສ່ວນຕົວ ຂອງພວກເຮົາ - ທີ່ກ່ຽວຂ້ອງກັບວິທີທີ່ພວກເຮົາປະຕິບັດຕໍ່ກັບຂໍ້ມູນສ່ວນຕົວຂອງທ່ານທີ່ພວກເຮົາໄດ້ເກັບເອົາ, ນຳໃຊ້ ແລະ/ຫຼື ເກັບມ້ຽນ.
• d. ຄຳແນະນຳຄຳຮ້ອງຂໍຂໍ້ມູນການບັງຄັບໃຊ້ກົດໝາຍ ແລະ ນະໂຍບາຍຄຳຮ້ອງຂໍຂອງລັດຖະບານ ຂອງພວກເຮົາ - ເບິ່ງພາກທີ 10.

ນອກຈາກນັ້ນ, ພວກເຮົາຍັງປະຕິບັດຕາມຄຳຮ້ອງຂໍຕໍ່ໄປນີ້ (ອີງຕາມກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ ແລະ ອີງຕາມນະໂຍບາຍ WeChat ທີ່ກ່ຽວຂ້ອງ):

• e. ຜູ້ໃຊ້ຮ້ອງຂໍໃຫ້ລຶບບັນຊີຂອງເຂົາເຈົ້າເອງ, ລວມທັງພໍ່ແມ່ທີ່ຮ້ອງຂໍການລຶບບັນຊີຂອງຜູ້ມີອາຍຸຕ່ຳກວ່າເກນ.
• f. ຄຳຮ້ອງຂໍໃຫ້ລຶບບັນຊີຂອງຜູ້ໃຊ້ທີ່ສູນຫາຍຈາກສະມາຊິກຄອບຄົວທີ່ໄດ້ຮັບການຢັ້ງຢືນສິດ ຫຼື ຜູ້ທີ່ໄດ້ຮັບມອບໝາຍ.
• g. ຄຳຮ້ອງຂໍໃຫ້ລຶບບັນຊີຂອງຜູ້ທີ່ບໍ່ສາມາດດຳເນີນການໄດ້ເອງຈາກຕົວແທນທີ່ໄດ້ຮັບອະນຸຍາດ.
• h. ຄຳຮ້ອງຂໍໃຫ້ລຶບເອກະສານທີ່ກ່ຽວຂ້ອງກັບເດັກທີ່ມີອາຍຸຕ່ຳກວ່າເກນໃນບາງເຫດການ.

10. ຄຳຮ້ອງຂໍຈາກໜ່ວຍງານລັດຖະບານ

10.1. ພວກເຮົາຮັບຫຼາຍຄຳຮ້ອງຂໍຈາກໜ່ວຍງານລັດຖະບານທີ່ກ່ຽວຂ້ອງກັບ WeChat. ໃນກໍລະນີທີ່ຄຳຮ້ອງຂໍດັ່ງກ່າວຖືກສ້າງຂຶ້ນ:

• a. ໂດຍໜ່ວຍງານບັງຄັບໃຊ້ກົດໝາຍ ແລະ ອີງຕາມຂະບວນການທາງກົດໝາຍ (ຕົວຢ່າງ: ຄຳສັ່ງສານ, ໝາຍສານ, ການໄຕ່ສວນ, ການສືບສວນຂອງຕຳຫຼວດ), ພວກເຮົາຈະປະຕິບັດຕໍ່ກັບຄຳຮ້ອງຂໍດັ່ງກ່າວໂດຍອີງຕາມຄຳແນະນຳຄຳຮ້ອງຂໍຂໍ້ມູນການບັງຄັບໃຊ້ກົດໝາຍ ແລະ
• b. ໃນຮູບແບບໃດກໍຕາມ ແລະ ຕາມໜ່ວຍງານລັດຖະບານໃດກໍຕາມນອກເໜືອຈາກການອີງຕາມວັກ (ກ), ພວກເຮົາຈະປະຕິບັດຕໍ່ກັບຄຳຮ້ອງຂໍດັ່ງກ່າວໂດຍອີງຕາມ ນະໂຍບາຍຄຳຮ້ອງຂໍຂອງລັດຖະບານຂອງພວກເຮົາ.

11. ເນື້ອຫາລັກສະນະສົ່ງເສີມການເມືອງ

11.1. ພວກເຮົາຫ້າມເນື້ອຫາລັກສະນະສົ່ງເສີມການເມືອງໃນ WeChat, ທີ່:

• a. ບຸກຄົນ ຫຼື ນິຕິບຸກຄົນໄດ້ຮັບການຈ່າຍເງິນສຳລັບເນື້ອຫາລັກສະນະສົ່ງເສີມການເມືອງດັ່ງກ່າວ (ລວມທັງການໂຄສະນາທີ່ກ່ຽວຂ້ອງ) ເພື່ອໃຫ້ສະແດງຢູ່ WeChat; ຫຼື
• b. ເນື້ອຫາລັກສະນະສົ່ງເສີມການເມືອງທີ່ກ່ຽວຂ້ອງບໍ່ປະຕິບັດຕາມກົດໝາຍ ຫຼື ຂໍ້ບັງຄັບທີ່ມີຜົນນຳໃຊ້.

11.2. "ເນື້ອຫາລັກສະນະສົ່ງເສີມການເມືອງ" ແມ່ນເນື້ອຫາທີ່ມີລັກສະນະສົ່ງເສີມທີ່ກ່ຽວຂ້ອງກັບ:

• a. ຜູ້ສະໝັກຮັບເລືອກຕັ້ງ; ພັກການເມືອງ; ຫຼື ພະນັກງານລັດຖະບານທີ່ຖືກເລືອກຕັ້ງ ຫຼື ແຕ່ງຕັ້ງ (ແລະ "ການເລືອກຕັ້ງ" ຮວມມີການເລືອກຕັ້ງ, ປະຊາມະຕິ ຫຼື ການລົງຄະແນນສຽງທາງການເມືອງ); ຫຼື
• b. ກົດໝາຍ, ຂໍ້ບັງຄັບ ຫຼື ຜົນການຕັດສິນຂອງສານ, ລວມທັງການປ່ຽນແປງຕໍ່ກັບສິ່ງດັ່ງກ່າວ.

ນອກຈາກນັ້ນ, ພວກເຮົາຍັງບໍ່ຍອມຮັບເນື້ອຫາລັກສະນະສົ່ງເສີມການເມືອງຈາກ ຫຼື ຮັບການຈ່າຍເງິນສຳລັບຜູ້ສະໝັກຮັບເລືອກຕັ້ງ; ພັກການເມືອງ; ຫຼື ພະນັກງານລັດຖະບານທີ່ຖືກເລືອກຕັ້ງ ຫຼື ແຕ່ງຕັ້ງ.

11.3. ເນື້ອຫາລັກສະນະສົ່ງເສີມການເມືອງອາດຈະຮວມມີສິ່ງຕໍ່ໄປນີ້:

• a. ການຮ້ອງຂໍການໂຫວດສຳລັບການເລືອກຕັ້ງ.
• b. ການຮ້ອງຂໍການສະໜັບສະໜູນທາງການເງິນສຳລັບຈຸດປະສົງທາງການເມືອງ.
• c. ການຮ້ອງຂໍສຳລັບການປ່ຽນແປງຕໍ່ກັບກົດໝາຍ, ຂໍ້ບັງຄັບ ຫຼື ຜົນການຕັດສິນຂອງສານ.
• d. ການສະໜັບສະໜູນສາທາລະນະສຳລັບ ຫຼື ຕ້ານກັບຫົວຂໍ້ຂອງເນື້ອຫາລັກສະນະສົ່ງເສີມການເມືອງ.

11.4. ພວກເຮົາຮັບຮູ້ວ່າເຂດອຳນາດສານທີ່ແຕກຕ່າງກັນມີກົດໝາຍຄຸ້ມຄອງເນື້ອຫາລັກສະນະສົ່ງເສີມການເມືອງທີ່ແຕກຕ່າງກັນ. ພວກເຮົາຈະປະຕິບັດຕາມກົດໝາຍດັ່ງກ່າວທີ່ຮຽກຮ້ອງໃຫ້ປະຕິບັດຕາມ, ລວມທັງການບຳລຸງຮັກສາຂໍ້ມູນກ່ຽວກັບໂຄສະນາທາງການເມືອງ ແລະ ການເປີດເຜີຍຂໍ້ມູນດັ່ງກ່າວກັບໜ່ວຍງານຄຸ້ມຄອງກົດລະບຽບທີ່ກ່ຽວຂ້ອງ. ນອກຈາກນັ້ນ, ໜ່ວຍງານລັດຖະບານອາດຈະຕ້ອງການການລຶບເນື້ອຫາລັກສະນະສົ່ງເສີມການເມືອງດັ່ງກ່າວໂດຍອີງຕາມກົດໝາຍ ແລະ ຂໍ້ບັງຄັບທີ່ມີຜົນນຳໃຊ້ ແລະ ອີງຕາມ ນະໂຍບາຍຄຳຮ້ອງຂໍລັດຖະບານຂອງພວກເຮົາ.

11.5. ພວກເຮົາຈະສືບຕໍ່ກວດເບິ່ງພື້ນທີ່ນີ້ ແລະ ຈະພິຈາລະນາປະຕິບັດຕາມຂໍ້ຈຳກັດ ຫຼື ຄຸນສົມບັດອື່ນໆ ຫຼື ສະເພາະປະເທດເປັນບາງຄັ້ງຄາວ. ພວກເຮົາຈະແຈ້ງຜູ້ໃຊ້ຂອງພວກເຮົາທີ່ພວກເຮົາປະຕິບັດຂໍ້ຈັດກັດ ຫຼື ຄຸນສົມບັດດັ່ງກ່າວນຳ.

12. ວິທີຕິດຕໍ່ຫາພວກເຮົາ

ກະລຸນາຕິດຕໍ່ຫາພວກເຮົາທີ່ policy@wechat.com ເພື່ອລາຍງານການລະເມີດ (ຫຼື ອາດຈະລະເມີດ) ນະໂຍບາຍນີ້ ຫຼື ຖ້າທ່ານມີຄຳຖາມອື່ນໆໃດໜຶ່ງກ່ຽວກັບນະໂຍບາຍນີ້.

##ເອກະສານເພີ່ມເຕີມສຳລັບຜູ້ໃຊ້ພາຍໃຕ້ເຂດອຳນາດສານຂອງເກົາຫຼີໃຕ້

ຖ້າທ່ານຄືຜູ້ໃຊ້ຂອງ WeChat ຊຶ່ງຢູ່ພາຍໃຕ້ເຂດອຳນາດສານຂອງເກົາຫຼີໃຕ້, ຂໍ້ກຳນົດເພີ່ມເຕີມດ້ານລຸ່ມນີ້: (i) ລວມຢູ່ໃນນະໂຍບາຍນີ້; (ii) ນຳໄປໃຊ້ກັບການນຳໃຊ້ WeChat ຂອງທ່ານ; (iii) ແທນຂໍ້ກຳນົດຫຼັກຂອງນະໂຍບາຍນີ້ ໃນຂອບເຂດຂອງຄວາມບໍ່ສອດຄ່ອງກັນ.

1. ໂພສທີ່ຜູ້ໃຊ້ອັບໂຫຼດທີ່ມີເນື້ອຫາວິດີໂອທີ່ຜິດກົດໝາຍອາດສົ່ງຜົນໃຫ້ເກີດຜົນທາງອາຍາຕາມກົດໝາຍຂອງເກົາຫຼີໃຕ້ທີ່ບັງຄັບໃຊ້.

2. ໃນກໍລະນີໂພສທີ່ຜູ້ໃຊ້ອັບໂຫຼດທີ່ມີເນື້ອຫາວິດີໂອທີ່ຜິດກົດໝາຍ ແລະ ສົ່ງຜົນທາງອາຍາຕາມກົດໝາຍຂອງເກົາຫຼີໃຕ້ທີ່ບັງຄັບໃຊ້, ພວກເຮົາອາດຈະບລັອກການສະແດງຜົນຂອງໂພສ ຫຼື ລົບພວກມັນອອກ, ຫຼື ປະຕິເສດທີ່ຈະໂພສພວກມັນ, ອີງຕາມມາດຕາ 22-5 (1) ຂອງກົດໝາຍວ່າດ້ວຍທຸລະກິດໂທລະຄົມມະນາຄົມຂອງເກົາຫຼີໃຕ້.